1 Kurinitutari 13:6 - Kakaɨyari Niukieya

⁶ Pɨkayutemawie yameteyuriekaku hipatɨ kemɨkatiheitserie, matsi tita yuri mɨraine hepaɨtsita kaniyutemawieka.

1 Kurinitutari 13:6 ပူးပေါင်းရင်းမြစ်များ

Xumatari 12:9

Yakɨ xeikɨa xekayɨatɨ xeketeneyukanaki'erieka. Xe'ixeɨmatɨ tita 'axamɨti'ane, tita 'aixɨa mɨti'anetsie xeketenewiyani.

2 Wani 1:4

Waɨkawa nepɨnetemawiekai nemɨtimariekɨ 'aniwema hipatɨ tita yuri mɨrainetsie metewiyatɨ memu'uwakɨ, 'aitsika ta'ukiyari hetsɨa mieme ketemɨte'upitɨarie.

Xumatari 1:32

Mɨkɨ metehetimaika tita Kakaɨyari mɨtixata tiheitserietɨme, kename yunaitɨ mɨya memɨteyurie wahetsie tinake memɨkwinikɨ 'utaitɨ, mɨkɨ matsi mɨya mekateniyurieka, matsipaitɨ mekaninaki'aka hipatɨ mɨpaɨ meteyuriekaku.

2 Tetsarunikatari 2:12

mɨpaɨ mekatenikwinitɨariekuni yunaitɨ yuri memɨkate'ita'eriri tita yuri mɨraine, matsi memɨnaki'akai kemɨkatiheitserietsie.

'Utseyaxi 4:8

Mɨkɨ teɨteri 'axamɨti'ane mawariyari mawari wewiwamete pɨtiwa'ikwai, 'ayumieme mawari wewiwamete mepɨyutemamawie teɨteri 'axamemɨteyuriekɨ.

Temaiwawemete 14:9

'Axamemɨteyurie meyutemamawietɨ kepauka wahetsie mɨrahɨiwa meputinawe meyuku'imawatɨ, matsi memɨtemaiwawe Kakaɨyari 'aixɨa pɨtiwaxeiya.

Mikeyaxi 7:8

Pemɨnetsi'aye'unie 'aku, 'axakemɨnetiyuriekɨ pepɨkayutemawieka. Nepatiwe, matsi nepanukukeni, yɨwipa nepuyeika, matsi Yawé nehekɨariya pɨhɨkɨ.

Keremiyaxi 13:17

Peru xɨka xeme xekahanu'enanani, 'awie nekanitatsuamɨkɨ xeme xemuyuti'ɨrekɨ, nehɨxita 'ukai panexɨani hatsiwimekɨ, Yawé muxatsimama 'ateewa memanuhapanienikɨ kayukwieyaritsie.

Piriputari 3:18

Yumɨiretɨ kememɨte'u'uwa, mekaneye'unieka Kɨritsitu kemɨtiumierie kuruxitsie. Wahepaɨtsita mɨixa netinixekuxaxatɨwakaitɨni, hikɨta yaxeikɨa nepaine ne'utatsuatɨ.

Piriputari 1:18

Tsepanetɨ kememɨteyurie Kɨritsitu kanikuxaxatsiwani, ne 'ayumieme nepɨnetemawie, tsepa yakɨ memɨtekuxata, tsepa yurikɨ meyuwaɨriyatɨ memɨyɨa. Matsi neyutemawietɨ nepɨkatihayewani.

Piriputari 1:4

Kepauka nemiwawirie yunaime xehetsiemieme, neyutemawietɨ nekaniyunenewieka neheyemekɨ,

Rukaxi 22:5

Mɨkɨ mekaniyutemamawiekaitɨni, mekaniuyu'enieni kename tumini me'i'ɨitɨanikekai.

Keremiyaxi 20:10

Yɨmɨireme nepɨwa'enie menetsinanaimatɨ mɨpaɨ meputiyuane: «Naitsarie marika puxuawe». Hipatɨta mɨpaɨ mekaniutiyuaneni: «Xekeneutaxaneta. Hikɨmɨtɨka tepitaxaneta». Nehamikutsixitɨtɨ yamekatena'eriwani nemekawenikɨ. Meta mɨpaɨ mekaniutiyuaneni: «Tepiwiniya. 'Anake tekane'iwakuni tekatenekapitɨakuni».

Keremiyaxi 9:1

Nemu'u haixa xɨka hɨkɨtɨnike, meta nehɨxite 'ukai haixayari, tukarikɨ meta tɨkarikɨ nemutsuanenikɨ, neniwe 'uka teɨterimama memukwi'iwaxɨkɨ.

Nɨawari 119:136

Haa hepaɨ ne'ukai pɨtiuhapane, 'a'aitsika mɨka'aye'atɨariwakɨ.

Nɨawari 10:3

'Axatiyuruwame tita mɨtihiwe'erie mariweme pɨrayeitɨwa, naime mɨtihiwe'erie hepaɨtsita 'aixɨa putaine Yawé xani'erietɨ.

Memeyekɨ 18:9

Keturu kaniyutemawiekaitɨni tiutamarieka Yawé 'aixɨa mɨtiuka'iyarikaikɨ 'Ixaheri hetsiemieme, meta 'ekipitutari watsata mɨwarayehapakɨ.

'Utseyaxi 7:3

»'Axamemɨteyuriekɨ ti'aitame mepɨtemawieritɨa, meta yaxeikɨa 'itsɨkate memɨtewa'itaiyakɨ.

Mateu 18:13

Yurikɨ mɨpaɨ nepɨxerahɨawe, xɨka 'aku heitaxeiya, mɨkɨ muxakɨ kaniyutemawieka matsi waɨkawa, kemɨkatiyutemawie memɨkaheuyexɨri wahekɨ nauka tewiyari heimana tamamata heimana 'atanauka memɨyupaɨme.