1 Kurinitutari 12:8 - Kakaɨyari Niukieya

⁸ Xewitɨ kanipitɨarieka mɨtaniunikɨ timaiweme hepaɨ, 'Iyari yatipitɨakaku. Xewitɨta kanipitɨarieka waɨkawa mɨrakumaikakɨ, mɨkɨtɨtɨ 'Iyari yuxewitɨ kemɨtipitɨa.

1 Kurinitutari 12:8 ပူးပေါင်းရင်းမြစ်များ

Temaiwawemete 2:6

Yawé xeikɨa katiniyupitɨwani mɨtimaiwenikɨ mɨ'ayumieme, mɨrakumaikakɨ tatsiere pɨtiyupitɨwa tetana kanayeneikani.

2 Kurinitutari 8:7

Waɨkawa naitɨ katinitimɨirirɨmeni xehetsiemieme kexemɨteyurie, yuri xete'erietɨ, xetekuxatatɨ, xetemaitɨ tita mɨreuyewetse, naimekɨ xeyuwaɨriyatɨ texenaki'eriekaku. Merikɨte, yaxeikɨata 'ikɨ 'imikieri xekeneutimɨiriya.

1 Kurinitutari 1:5

Naime katinitimɨiriyarɨmeni xehetsiemieme, hetsiena xetewiyakaku. Naimekɨ xekaniyɨwaweni xemɨtiniunikɨ, meta naime xekatenimaika,

Nɨawari 143:10

Kemɨmetinake kenetineuta'ɨkitɨa mɨpaɨ nemɨtiyurienenikɨ, 'ekɨ nekakaɨyari pemɨhɨkɨkɨ. 'A'iyari 'aixɨa mɨ'ane kenetsi'uwitɨximeni 'uwerikaku hetsiena temetiketamɨre 'umawekaku.

1 Kurinitutari 1:30

Matsi Kakaɨyari mɨxe'unetɨakɨ, 'ayumieme 'axekaniu'uwani, Kɨritsitu Ketsutsi hetsie kexemɨtewiya. Kɨritsitu kanihɨkɨtɨni kemɨ'ane Kakaɨyari mikaye, temaiwawemete mɨtatsi'ayeitɨanikɨ, tatsipitɨatɨ heitseriemekɨ yatemɨtekahunikɨ, tatsipatatɨ Kakaɨyari hetsiemieme, tatsixɨnatɨ.

Nehemiyaxi 9:20

»'A'iyari 'aixɨa mɨ'anekɨ memɨtemaiwawenikɨ pepɨwarupitɨa. Manana pepɨkawarunawairi me'ikwakaku, haa pepɨwaruharitɨa memɨkaheuharikunikɨ.

1 Kurinitutari 13:8

Kemɨtiyukanaki'erie, hatsuaku pɨkatapare. Ketemɨtekuxata, mɨkɨ kanitaparimɨkɨ. Hipame niukiyaritekɨ ketemɨte'utiniuka, mɨkɨ katineuyewemɨkɨ. Ketemɨtemaiwawe, mɨkɨta kanitaparimɨkɨ.

Mateu 13:11

Mɨkɨ mɨpaɨ katiniwaruta'eiya: —Xeme xekaniupitɨarieni xemimaikakɨ tita mɨti'awietsiekai Kakaɨyari mɨra'aitatsie timieme, peru mɨkɨ mɨpaɨ mepɨkatepitɨarie.

Kitsariyaxi 59:21

Yawé mɨpaɨ kanaineni: «'Ikɨ netɨratu kanihɨkɨtɨni xehamatɨa nemiwewie: Ne'iyari xehetsie mɨyeka, meta neniuki nemɨmatsi'upitɨa pemekaterɨwakɨ 'ape'uyuatɨ, hatsuaku pɨkamatsiku'eirieni, meta 'aniwema wahetsie meta 'anuiwarima wahetsie, hikɨtɨtɨ meta yuheyemekɨ ―Yawé mɨpaɨ kanaineni―.

Kitsariyaxi 50:4

Yawé naimekɨmɨyɨwe pɨnetsi'upitɨa nemeutaniuwenikɨ netimaiwetɨ, kemɨ'ane mu'uxe neniukikɨ nemutuikanikɨ. Ximeri yakanetinanutahɨtuwani, meta nenakata neheu'ename kanenayeitɨaka para nemeu'enanikɨ teyɨ'ɨkitɨwamete wahepaɨ.

Kuwi 32:8

Matsi tewi meitimaitɨyeikanikɨ mupitɨa 'iyari hetsiena mɨyeka kanihɨkɨtɨni, Naimekɨmɨtɨrɨkaɨye 'iiya 'ipitɨakaku.

Memeyekɨ 31:3

nekanihɨniyani Kakaɨyari 'Iyarieyakɨ, mɨtimaiwenikɨ, mɨtimatenikɨ, kemɨtiuyurieni kaniyɨweni,

1 Kurinitutari 13:2

Xɨka netiumikienike Kakaɨyari niukieya nemɨkuxatanikɨ, xɨka netimaikake naime kemɨti'awie, naime kenemɨtimatekɨ, naimekɨ yuri neti'erietɨ xɨka neyɨwenike yemurite nemɨwatayuitɨanikɨ, peru xɨka nekatinekanaki'eriekake, tixaɨtɨ nepɨkatihɨkɨtɨnikeyu.

Tanieri 2:21

Mɨkɨ tukari pukupata naime kemɨtiyeyɨxime, pɨwaranuka'uitɨwa pɨwaranakaxɨrɨwa te'aitamete. Temaiwawemete memɨtemaiwawenikɨ pɨwapitɨa. Kwinie memɨteheutamaiwawe, memeitimaitɨkɨkanikɨ pɨwapitɨa.

Nɨ'ariekate 6:3

Hikɨ ta'iwama, xekeniwakuwawa yutsata 'ukitsi 'atahutame 'aixɨa memɨtehekɨatsie 'Iyarikɨ memɨhɨpɨne memɨtemaiwawe, mɨkɨ tepɨwahɨritɨani 'ikɨ hepaɨtsita kemɨreuyewetse.

Xumatari 15:14

Neri yuri nepɨti'erie ne'iwama xehepaɨtsita, kename yɨkɨmana xehɨpɨne 'aixɨa xeteyurietɨ, kename naime xetemate, kename xeyɨwawe xemɨyu'imaiyanikɨ.

1 Kurinitutari 2:11

Tewi, ketita tihɨkɨ tewitsie mieme yamɨtimate tewi kemɨtiyumate. Tewi 'iyarieya hetsiena mɨyeka kanihɨkɨtɨni tita mɨpaɨ mɨtimate. Yaxeikɨata tewi 'atsipɨkatimate Kakaɨyari kemɨtiyumate. Kakaɨyari 'Iyarieya xeikɨa mɨpaɨ katinimaika.

1 Kurinitutari 2:16

«¿Kemɨ'ane pɨtimate kemɨtiku'eriwa Ti'aitame, kemɨ'ane pɨtita'ɨkitɨani?» Peru tame Kɨritsitu hepaɨ tekateniku'eriwani.

1 Kurinitutari 14:6

Hikɨri ne'iwama, xɨka xehetsɨa neheuyanike hipame niukiyaritekɨ ne'utaniutɨ, ¿tita netixepitɨanikeyu, xɨka nekaxehetahɨaweke netihekɨatatɨ tita mɨti'awietsiekai hepaɨtsita, xɨka kenemɨtiuyematekɨ nekarekuxatanike, xɨka kakaɨyari niukieya nekahekuxatanike yatɨni nekare'ɨkitanike?

1 Kurinitutari 14:26

¿Ne 'iwama kamɨtsɨ keri'aneni? Kepauka xemɨyukuxexeɨriwatsie, yuxexuitɨ matsi kwikari xekanexeiyani, yatɨni 'ɨkitɨarika, yatɨni xekaniha'aritsieka xemɨtehekɨatanikɨ tita xemɨte'uxeiyatsitɨarie, yatɨni hipame niukiyaritekɨ xemɨtiniunikɨ, yatɨni xemɨtehekɨatanikɨ tita mɨtikuxaxatsiwa hipame niukiyaritekɨ tikuxaxatsiwakaku.

2 Kurinitutari 1:12

'Aixɨa temutiyuanenikɨ mɨpaɨ tepaitɨka tahepaɨtsita, ta'iyaritsie 'aixɨa tepɨtetamate ketemɨyɨa 'ena kwiepa. Mɨpaɨ tepɨtemate, Kakaɨyari hetsiemieme tepatsietɨ tepɨyɨa, 'aixɨa tetehekɨatsietɨ Kakaɨyari kemɨtatipitɨa. Teɨteri wahepaɨ kememɨtemaiwawe tepɨkayɨa, matsi Kakaɨyari yatatipitɨakaku 'aixɨa kemɨtiuka'iyari, mɨpaɨ 'ayumieme tekaniyɨaka kwiepa memɨtama wahetsɨa, xehetsɨa matsi yemekɨ mɨpaɨ tekaniyɨaka.

2 Kurinitutari 2:14

Matsi Kakaɨyari pamɨpariyutsi kepitɨarieka. Mɨkɨ yuheyemekɨ pɨtatsihekɨatɨa Kɨritsitutsie ketemɨtewiya, teɨteri wahɨxie tatsikuwitɨnetɨ yu'utɨma. Takɨmana naitsarie mɨpaɨ katinihekɨatani witsikemɨ'itɨarie xɨka Kɨritsitu maika.

2 Kurinitutari 4:6

Matsi Kakaɨyari mɨpaɨ mutayɨ: «Hekɨariya yɨwipa ke'uneni», 'utaitɨ, mɨkɨ katanihekɨariwiyani ta'iyaritsie. 'Ayumieme yatetemaitɨ Kakaɨyari kemɨtimariwe, Kɨritsitu hetsie kemɨtimatsiɨkɨ, tekanihekɨariwiyarieka.

2 Kurinitutari 6:6

'Aixɨa 'anemekɨ tekateni'uximayaka, tetemaitɨ kemɨreuyewetse, tete'ukanenewietɨ meta 'aixɨa tete'u'iyaritɨ, 'Iyari Mɨtiyupata tehexeiyatɨ meta yurikɨ teteyukanaki'erietɨ,

2 Kurinitutari 11:6

Tsepa kemɨ'ane mɨkaniuwe hepaɨ nemɨtikuxata, tewi 'atsimɨkatimate hepaɨ nepɨka'ane kenemɨtimaiwe. Matsi naimekɨ, ketemɨ'anene yatepɨtexehekɨatsitɨiya, yunaitɨ kememɨtatexeiya.