1 Kurinitutari 10:19 - Kakaɨyari Niukieya

¹⁹ ¿Merikɨte, kehepaɨtɨtɨri nehaine? ¿Tita tete mɨtimawiyarie tixaɨtɨ mɨtihɨkɨkɨ neraine, tete kakaɨyariyari tixaɨtɨ mɨtihɨkɨkɨ neraine?

1 Kurinitutari 10:19 ပူးပေါင်းရင်းမြစ်များ

1 Kurinitutari 8:4

Merikɨte, 'ikwai hepaɨtsita kakaɨyarixi kememɨtemawiyarie, mɨpaɨ tepɨtemate, tete pɨkaxuawe kwiepa yuri mɨkakaɨyari, xewitɨ pɨkaxuawe kakaɨyaritɨtɨ. Kakaɨyari yuxewitɨ 'akaniuweni xeikɨa.

1 Kurinitutari 13:2

Xɨka netiumikienike Kakaɨyari niukieya nemɨkuxatanikɨ, xɨka netimaikake naime kemɨti'awie, naime kenemɨtimatekɨ, naimekɨ yuri neti'erietɨ xɨka neyɨwenike yemurite nemɨwatayuitɨanikɨ, peru xɨka nekatinekanaki'eriekake, tixaɨtɨ nepɨkatihɨkɨtɨnikeyu.

1 Kurinitutari 3:7

'Ayumieme 'etsame tixaɨtɨ pɨkatihɨkɨ, 'ipawame tixaɨtɨ pɨkatihɨkɨ. Mitinetɨa xeikɨa tixaɨtɨ katinihɨkɨtɨni Kakaɨyaritɨtɨ.

1 Kurinitutari 1:28

Kakaɨyari tita tixaɨtɨ mɨkatihɨkɨ kananuyeteɨxɨ, tita mɨtixani'eriwa, tita meta 'amɨkatiuwe, para tixaɨtɨ katihɨkɨtɨme xeikɨa meyeitɨanikɨ tita mɨtixuawe,

Kitsariyaxi 41:29

Mɨkɨ yunaitɨ te'itawamete mepɨhɨkɨ. Kememɨteyurie tixaɨtɨ pɨkatihɨkɨ, wakakaɨyarixi 'eka xeikɨa mepɨhɨkɨ, teyu'uximatɨwamete.

Kitsariyaxi 40:17

Yunaitɨ nuiwarite hɨxiena tixaɨtɨ mepɨkatehɨkɨ, mepɨkate'aye'atɨka hetsiena mieme.

Hutarieka 'inɨari 32:21

Mepɨnetsi'uyehaxɨatɨa kemɨ'ane yuri mɨkakakaɨyarikɨ, nepuyeha'a hipame kakaɨyarixi memɨwarayexeiyakaikɨ. Neta yaxeikɨa nepɨwayurieni nepɨwayehaxɨatɨani kemɨ'ane memɨkaneteɨterima wahekɨ, nepɨwayehaxɨatɨani teɨteri 'axamemɨte'u'iyari wahekɨ.

2 Kurinitutari 12:11

Merikɨtsɨ tewi 'atsimɨkatimate hepaɨ netikuxatatɨ nekanayani. Xeme xekɨmana peuyewekai mɨpaɨ nemɨtiyurienikɨ. Peuyewekai matsi xemɨnetsihekɨatanikɨ xeme pɨta kenemɨtimariwa. Hakewari mɨkɨ kwini mieme waniu memɨnɨ'ariekate tixaɨtɨ mepɨkatehexeiya, neta kenemɨkareixeiya, tsepa tixaɨtɨ nemɨkatihɨkɨ.

Nɨ'ariekate 19:26

Mɨpaɨ xepɨtexeiya, mɨpaɨ xepɨte'enana, Papuru yuri kemɨtiwa'eritɨa kemɨtiwarukunuitɨa yumɨireme teɨteri, 'ena 'Epetsutsie xeikɨa pɨkatixaɨ, matsi naitsarie 'Atsiyatsie. Mɨpaɨ katinikuxatani, mɨkɨ mamakɨ memɨwewiyatɨka kakaɨyarixi mepɨkahɨkɨ 'utaitɨ.

1 Kurinitutari 10:14

'Ayumieme nenaki'erima, xekeneyuta'una kapa tetexi xewarayexeiyanikɨ.