1 Kurinitutari 1:20 - Kakaɨyari Niukieya

²⁰ ¿Hakewari timaiweme peyeika? ¿Hakewari 'inɨarikɨ mɨti'ɨkita peyeika? ¿Hakewari niuki xɨxɨatɨwamete hikɨ miemetexi? ¿Kamɨtsɨ, tita memɨtemaiwawe kwiepa memɨtama, yakɨ xeikɨa haineme karayeitɨa Kakaɨyari?

1 Kurinitutari 1:20 ပူးပေါင်းရင်းမြစ်များ

Xumatari 1:22

Temaiwawemete meyuxatatɨ 'atsimekatemaiwawetɨ mekanakɨne.

Kuwi 12:17

Teɨteri 'ɨxatsitamete puwatewiyatsitɨa mekaheukemaritɨkaime pɨwarayeitɨa meta 'itsɨkate mekatemaiwaweme kaniwarayeitɨwani.

1 Kurinitutari 3:19

Kwiepa memɨtama kememɨtemaiwawe, Kakaɨyari hɨxie memɨka'u'iyarini hepaɨ mekani'aneneni. Mɨpaɨ katine'uka: «Memɨtemaiwawe Kakaɨyari yakatiniwakupitɨwani kememɨteku'eriwakaitsie memuyukaxɨrienikɨ».

1 Kurinitutari 1:19

'Ipaɨ katine'uka: «Tita memɨtemate temaiwawemete, mɨkɨ nekanika'unamɨkɨ, tita memɨte'akumate yɨwemete, mɨkɨ nekanixani'eriekamɨkɨ».

Kitsariyaxi 44:25

»”Kakaɨyari niukametemama memɨte'itawa wa'inɨari yanepɨkaraye'atɨwa, meta memɨtehetimamateke nepuwatewiyatsitɨa, memɨtemaiwawe mekatemaiwaweme nepɨwarayeitɨwa meta kememɨtemaiwawekɨ tixaɨtɨ katiyunaki'eriekame nepayeitɨwa.

Kuwi 12:24

Kiekaritsie memanuyetei mekatemaiwaweme puwarayeitɨwa, makumawetsie hau'erietɨ meku'uwame puwarayeitɨwa.

1 Kurinitutari 2:6

Tetemaiwawetɨ matsi tekatenikuxatani mɨkɨ memɨtsetseɨye watsata. Peru ketemɨtemaiwawe, hikɨ miemetexi mɨpaɨ mepɨkatemaiwawe. Hikɨ miemetexi tewa'aitɨwameteta mɨpaɨ mepɨkatemaiwawe, mɨkɨ memamariwawetɨ mepɨka'akɨne.

Kitsariyaxi 53:1

¿Kemɨ'ane taniukitsie yuri pɨtiuta'eri, kemɨ'ane Yawé tɨrɨkariyaya puxeiyatsitɨarie?

Kitsariyaxi 33:18

'Ataɨta mɨpaɨ pepɨti'erieni pematɨ, meta mɨpaɨ pepɨtayɨni: «¿Hakewari peyeika wa'inɨnɨatame? ¿Hakewari peyeika tumini mɨtatsiwawiriekai? ¿Hakewari peyeika tuxiyutsie timieme mɨraka'utɨwa?»

Kuwi 12:20

'Ɨxatsitamete watenitsie muwiere pɨyɨwe meta 'ukirawetsixi mekatemaiwaweme muwarayeitɨani.

2 Tsamuheri 17:23

'Akituperi matsi 'Awitsaruni mɨkahenu'enikɨ kemɨtiuxatakai, puxu 'ukuha'aritɨaka yukiekaritsie kaneyani. Kepauka yukie munua, 'aixɨa tiuyurieka yutɨɨriyama wahetsiemieme, heyaka xaɨtsie kaneyukawieni. Mɨpaɨ katiniumɨni, kaniukateukieni yupaapa teɨkipa.

2 Tsamuheri 17:14

'Awitsaruni meta 'ixaheritsixi yunaitɨ mɨpaɨ mekaniutiyuani: —Hutsahi 'araki tewiyari kemɨtiku'eriwa 'aixɨa kani'aneni keyuri 'Akituperi niukieya. Mɨpaɨ pɨtiɨyɨ Yawé yamainekaikɨri 'Akituperi kemɨtiku'eriwakai yamɨkatiyunikɨ, tsepanetɨ mɨkɨ matsi waɨkawa mɨtimaiwekai, mɨpaɨ 'Awitsaruni 'axamuyurienikɨ.

2 Tsamuheri 16:23

'Ana 'Akituperi 'ɨxatsieya Kakaɨyari 'ɨxatsieya hepaɨ kani'anekaitɨni, Rawiri mɨpaɨ katinei'eniekaitɨni meta 'Awitsaruni yaxeikɨa.

2 Tsamuheri 15:31

Merikɨte 'ana Rawiri katiniutaxatɨarieni kename 'Akituperi 'Awitsaruni Rawiri maye'unie hetinɨkai. Hikɨ Rawiri mɨpaɨ katiniuyunenewieni: «Yawé, yaketineuyuri yamɨkatiyɨnikɨ 'Akituperi kemɨtiku'eriwa».

Keremiyaxi 10:7

¿Kemɨ'ane pɨka'itimakani, yunaime nuiwarite Tiwa'aitɨwame? 'Ekɨ mɨpaɨ pɨreuyewetse 'ahetsiemieme. Yunaitɨ memɨtemaiwawe memu'uwa watsata, meta yunaitɨ te'aitamete watsata, xewitɨ pumawe 'ahepaɨ 'anetɨ.

Mateu 13:22

Meta xuyatsata muka'iwiya, mɨkɨ kanihɨkɨtɨni kemɨ'ane mi'eni niuki, peru 'iyaritɨarika kwiepa timiemekɨ, tuminitɨarikakɨ ti'irɨwiyarietɨ, 'ayumieme mɨkɨ niuki kananukanamieni meta mɨkaxuawere pɨkapitɨarie.

Wani 12:31

Hikɨrixɨa 'ena kwiepa memɨtama kaniwatahɨawimɨkɨ 'itsɨkame, hikɨrixɨa kwiepa memɨtama mɨtiwa'aitɨa takwa kananuyehɨiyamɨkɨri.

Nɨ'ariekate 17:18

Hipatɨ 'Epikureyutsixi meta 'Etsituikutsixi temaiwawemete mekaniti'eiyarɨmekaitɨni. Hipatɨ mɨpaɨ mekaniutiyuanekaitɨni: «¿Titakuta tixatanikeyu 'ikɨ niukiwiwame?» Hipatɨta mɨpaɨ mete'utiyuanekai: «Wa'atɨtɨ kakaɨyarixi xaɨtsie miemete puwakuxata». Mɨpaɨ mekaniutiyuanekaitɨni Papuru Ketsutsi niukieya 'aixɨa manɨyɨne mukuxatakaikɨ, meta mɨkite kememɨte'anuku'uni.

Xumatari 1:20

Kwie munetɨarietsie paitɨ hikɨke, tita mɨkatixeiyariewe hepaɨtsitana, yuheyemekɨ kemɨtitɨrɨkaɨye kemɨtikakaɨyari, mɨkɨ katinihekɨaka metimatiwakɨ tita mɨtiutiwewi hepaɨtsita. 'Ayumieme 'atsimepɨkateyɨwawe yuhetsiemieme memɨtiniunikɨ.

1 Kurinitutari 1:26

Xeketena'eriwani kexe'anenetɨ xemuta'inierie ne'iwama. Kamɨtsɨ, hipatɨ xeikɨa xeme xekatenimaiwawemetetɨni, teɨteri kememɨteku'eriwa. Hipatɨ xeikɨa xepɨtɨrɨkawi, hipatɨ xeikɨa mamariwawemete xepɨwaniwema, kexemɨte'uta'inierie.

1 Kurinitutari 1:27

Matsi 'ena kwiepa miemete tita yakɨ haineme memɨte'erie kananuyeteɨxɨ Kakaɨyari, para mɨwatewiyatsitɨanikɨ temaiwawemete. Tita mɨkatitɨrɨkawi 'ena kwiepa kananuyeteɨxɨ, mɨwatewiyatsitɨanikɨ mɨkɨ memɨtɨrɨkawi.

1 Kurinitutari 1:28

Kakaɨyari tita tixaɨtɨ mɨkatihɨkɨ kananuyeteɨxɨ, tita mɨtixani'eriwa, tita meta 'amɨkatiuwe, para tixaɨtɨ katihɨkɨtɨme xeikɨa meyeitɨanikɨ tita mɨtixuawe,

1 Kurinitutari 2:8

Hikɨ miemetexi tewa'aitɨwamete hatsuaku nixewitɨ mɨpaɨ mepɨkatehetimaiwawekai. Xɨka mɨpaɨ metehetimanike, kuruxitsie mepɨka'imienikekai Ti'aitame witsimɨ'ane.

1 Kurinitutari 3:18

Xepɨkateyu'irɨwiyani. Xɨka xewitɨ xeme timaiweme yu'erieka, temaiwawemete kememɨteyu'erie hikɨ miemetexi, 'atsikatimaitɨ pɨta ke'ayani, yuri timaiwetɨ mayanikɨ.

1 Kurinitutari 6:2

Mɨpaɨ xekatemate, Kakaɨyari teɨterimama 'itsɨkate tekanakɨnikuni kwiepa memɨtama temɨwataxanetakɨ. Xɨkatsɨ xeme xehɨkɨtɨni xemɨwataxaneta kwiepa memɨtama, ¿titayari xekateyɨwawe xemɨtexanetanikɨ 'etsitipeme hepaɨtsita?

1 Kurinitutari 11:32

Peru Ti'aitame kepauka mɨtatsita'inɨata, tekateni'ɨkitɨarieka 'uximatɨarikakɨ, kapa te'anutaxɨriyanikɨ kwiepa memɨtama wahamatɨa.

Tsatiyaku 4:4

Neuxei teɨteri hipame wa'ɨitama xemɨwakumaɨwa. ¿Kari mɨpaɨ xepɨkatemate, xɨka tinaki'erieka tita kwiepa mɨtimieme, Kakaɨyari kani'uxiwe'eriekamɨkɨ? 'Ayumieme kemɨ'ane mɨyuwaɨriya tita kwiepa mɨtimieme mɨtinaki'eriekakɨ, mɨkɨ Kakaɨyari 'aye'unietɨ payuyeitɨwa.