Zabura 76:12 - Littafi Mai Tsarki

¹² Yakan ƙasƙantar da shugabanni masu girmankai, Ya tsoratar da manyan sarakuna.

Sabon Rai Don Kowa 2020

¹² Ya kakkarya ƙarfin masu mulki; sarakunan duniya suna tsoronsa.

Zabura 76:12 ပူးပေါင်းရင်းမြစ်များ

Zefaniya 3:6

Ubangiji ya ce, “Na datse al'umman duniya, Hasumiyansu sun lalace. Na kuma lalatar da hanyoyinsu, Ba mai tafiya a kansu. An mai da biranensu kufai, Ba mutumin da yake zaune ciki.

Zabura 68:12

“Sarakuna da rundunan sojojinsu suna gudu! Matan da suke a gida suka rarraba ganima.”

2 Tarihi 32:21

Ubangiji kuwa ya aiki mala'ika wanda ya karkashe manyan jarumawa, da sarakunan yaƙi, da shugabanni, da kowane riƙaƙƙen soja, da sarkin yaƙi da yake a sansanin Sarkin Assuriya. Sai ya koma ƙasarsa cike da kunya. Sa'ad da ya shiga gidan gunkinsa, sai waɗansu daga cikin 'ya'yan cikinsa suka kashe shi da takobi.

Ishaya 24:21

A wannan rana Ubangiji zai hukunta wa ikoki na sama, da sarakunan da suke a duniya.

Zabura 47:2

A ji tsoron Ubangiji Mai Iko Dukka, Shi babban Sarki ne, ya mallaki dukan duniya.

Zabura 2:10

Yanzu ku kasa kunne gare ni, ku sarakuna, Ku mai da hankali, ku mahukunta!

Zabura 2:5

Ya yi musu magana da fushi, Ya razanar da su da hasalarsa,

W.Yah 6:15

Sai sarakunan duniya, da manyan mutane, da sarakunan yaƙi, da ma'arzuta, da ƙarfafa, da kuma kowane bawa da ɗa, suka ɓuya a kogwanni, da kuma a cikin duwatsu,

Zabura 68:35

Allah al'ajabi ne a tsattsarkan wurinsa, Allah na Isra'ila! Yana ba da ƙarfi da iko ga jama'arsa. Ku yabi Allah!

Yoshuwa 5:1

Sa'ad da dukan sarakunan Amoriyawa waɗanda suke wannan hayi, wato yamma da Urdun, da dukan sarakunan Kan'aniyawa da suke bakin teku, suka ji yadda Ubangiji ya sa ruwan Urdun ya ƙafe don Isra'ilawa, har suka haye, sai zukatansu suka narke, har ba wanda yake da sauran kurwa a cikinsu saboda tsoron Isra'ilawa.

Firistoci 23:38

Waɗannan idodi ƙari ne a kan lokatan sujada da aka saba, hadayun kuma ƙari ne a kan kyautan da aka saba bayarwa, kamar su hadaya don cika wa'adi, da hadaya ta yardar rai da suke bayarwa ga Ubangiji.

Zabura 50:14

Bari ku miƙa wa Allah hadayarku ta godiya, Ku ba Mai Iko Dukka, dukan hadayun da kuka alkawarta.