Zabura 72:8 - Littafi Mai Tsarki

⁸ Mulkinsa ya kai daga teku zuwa teku, Daga Kogin Yufiretis, har zuwa iyakar duniya.

Sabon Rai Don Kowa 2020

⁸ Zai yi mulki daga teku zuwa teku kuma daga Kogi zuwa iyakar duniya.

Zabura 72:8 ပူးပေါင်းရင်းမြစ်များ

Zakariya 9:10

Ubangiji ya ce, “Zan datse karusa daga Ifraimu, In datse ingarman yaƙi a Urushalima, Zan kuma karya bakan yaƙi. Sarkinki zai tabbatar wa al'umman duniya da salama, Mulkinsa zai zama daga teku zuwa teku, Daga Kogin Yufiretis zuwa matuƙar duniya.”

Fitowa 23:31

Zan yanka muku kan iyaka daga Bahar Maliya zuwa tekun Filistiyawa, daga jeji kuma zuwa Kogin Yufiretis. Gama zan ba da mazaunan ƙasar a hannunku, za ku kore su daga gabanku.

Zabura 89:25

Zan faɗaɗa mulkinsa tun daga Bahar Rum, Har zuwa Kogin Yufiretis.

Zabura 80:11

Rassanta sun miƙe har Bahar Rum, Har zuwa Kogin Yufiretis.

Zabura 2:8

Ka yi roƙo, zan kuwa ba ka dukan al'ummai, Dukan duniya kuma za ta zama taka.

W.Yah 11:15

Sa'an nan mala'ika na bakwai ya busa ƙahonsa, sai aka ji waɗansu muryoyi masu ƙara a Sama, suna cewa, “Mulkin duniya ya zama mulkin Ubangijinmu da na Almasihunsa, shi kuma zai yi mulki har abada abadin.”

Zabura 89:36

Zuriyarsa za ta kasance kullum, Zan lura da mulkinsa muddin rana tana haskakawa.

1 Sarakuna 5:1

Hiram, Sarkin Taya, ya aiki jakadunsa zuwa wurin Sulemanu, sa'ad da ya ji ya gāji tsohonsa, gama Hiram abokin Dawuda ne ƙwarai dukan kwanakinsa.