Zabura 5:5 - Littafi Mai Tsarki

⁵ Ba ka jurewa da ganin mutane masu fāriya, Kana ƙin mugaye.

Sabon Rai Don Kowa 2020

⁵ Masu fariya ba za su iya tsaya a gabanka ba. Kana ƙin duk masu aikata abin da ba daidai ba.

Zabura 5:5 ပူးပေါင်းရင်းမြစ်များ

Zabura 11:5

Yana auna masu kirki da mugaye dukka, Yana ƙin marar bin doka gaba ɗaya.

Hosiya 9:15

Ubangiji ya ce, “Kowace irin muguntarsu tana a Gilgal, A can na ƙi su! Saboda mugayen ayyukansu, zan kore su daga ƙasata, Ba kuma zan ƙaunace su ba. Dukan shugabanninsu 'yan tayarwa ne.

Zabura 1:5

Allah kuwa zai hukunta mugaye, Masu zunubi kuwa za a ware su daga adalai.

Mattiyu 25:41

Sa'an nan zai ce wa waɗanda suke na hagun, ‘Ku rabu da ni, la'anannu, ku shiga madawwamiyar wuta, wadda aka tanadar wa Iblis da mala'ikunsa.

Firistoci 20:23

Kada ku bi al'adun waɗannan al'ummai, waɗanda nake kora a gabanku, gama sun aikata waɗannan al'amura, don haka nake ƙyamarsu.

Karin Magana 1:7

In kana so ilimi dole ne ka fara da tsoron Ubangiji. Jahilai ba su san darajar hikima ba, sun kuwa ƙi su koya.

Habakkuk 1:13

Kai mai tsarki ne, Ka fi ƙarfin ka dubi mugunta. Kai da ba ka duban laifi. Me ya sa kake duban marasa imani? Kana iya shiru sa'ad da mugu yake haɗiye Mutumin da ya fi shi adalci?

Karin Magana 8:5

Ba ku balaga ba? To, ku balaga. Ku wawaye ne? Ku koyi hankali.

Mattiyu 7:23

Sa'an nan zan ce musu, ‘Ni ban taɓa saninku ba. Ku rabu da ni, ku masu yin mugun aiki.’ ”

Zakariya 11:8

A wata guda na hallaka makiyayan nan uku, gama ban jure da su ba, su ma sun gaji da ni.

Mai Hadishi 5:4

Sa'ad da ka yi wa'adi ga Allah, yi hanzari ka cika, gama wawa ba shi da wani amfani a gare shi. Sai ka cika wa'adin da ka yi!

Karin Magana 1:22

Ta ce, “Wawayen mutane! Har yaushe za ku yi ta kasancewa haka? Har yaushe za ku daina jin daɗin yi wa mai ilimi ba'a? Faufau ba za ku taɓa koya ba?

Zabura 75:4

Na faɗa wa masu girmankai kada su yi taƙama, Na kuma faɗa wa mugaye kada su yi fāriya,

Zabura 130:3

Idan kana yin lissafin zunubanmu, Wa zai kuɓuta daga hukunci?

Zabura 94:8

Ya jama'ata, ƙaƙa kuka zama dakikai, wawaye haka? Sai yaushe za ku koya?

Zabura 92:6

Ga wani abin da wawa ba zai iya sani ba, Dakiki kuma ba zai iya ganewa ba,

Zabura 14:1

Wawaye sukan ce wa kansu, “Ba Allah!” Dukansu sun lalace, sun aikata mugayen al'amura, Ba wanda yake aikata abin da yake daidai.

Zabura 73:3

Saboda na ji kishin masu girmankai, Sa'ad da na ga mugaye suna arziki.

Zabura 10:3

Mugun mutum yana fāriya da mugayen manufofinsa, Mai haɗama yakan zagi Ubangiji ya kuma ƙi shi.

Karin Magana 15:9

Ubangiji yana ƙin hanyoyin mugaye, amma yana ƙaunar mutumin da yake yin abin da yake daidai.