Zabura 27:9 - Littafi Mai Tsarki

⁹ Kada ka ɓoye mini fuskarka, ya Ubangiji! Kada ka yi fushi da ni, Kada kuwa ka kori bawanka. Kai ne kake taimakona, tun dā ma, Kada ka bar ni, kada ka yashe ni, Ya Allahna, Mai Cetona!

Sabon Rai Don Kowa 2020

⁹ Kada ka ɓoye fuskarka daga gare ni, kada ka kore bawanka daga gare ka cikin fushi; kai ne ka kasance mai taimakona. Kada ka ƙi ni ko ka yashe ni, Ya Allah Mai cetona.

Zabura 27:9 ပူးပေါင်းရင်းမြစ်များ

Zabura 69:17

Kada ka ɓoye kanka daga bawanka, Ina shan babbar wahala, ka yi hanzari ka amsa mini!

Zabura 143:7

Yanzu ka amsa mini, ya Ubangiji! Na fid da zuciya duka! Kada ka ɓuya mini, Don kada in zama cikin waɗanda suke gangarawa zuwa lahira.

Zabura 102:2

Kada ka ɓoye mini sa'ad da nake shan wahala! Ka ji ni, ka amsa mini da sauri sa'ad da na yi kira!

Ibraniyawa 13:5

Kada halinku ya zama na son kuɗi. Ku dangana da abin da kuke da shi, gama Allah kansa ya ce, “Har abada ba zan bar ka ba. Har abada kuma ba zan yashe ka ba.”

Irmiya 32:40

Zan yi madawwamin alkawari da su, ba zan fasa nuna musu alheri ba, zan kuwa sa tsorona a zukatansu domin kada su bar bina.

Zabura 24:5

Ubangiji zai sa masa albarka, Allah Mai Cetonsa zai kuɓutar da shi.

Zabura 119:121

Na yi abin da yake daidai mai kyau, Kada ka bar ni a hannun maƙiyana!

Zabura 88:1

Ya Ubangiji Allah, Mai Cetona, Duk yini ina ta kuka, Da dare kuma na zo gare ka.

Zabura 51:11

Kada ka kore ni daga gabanka, Kada ka ɗauke mini Ruhunka Mai Tsarki.

Zabura 44:24

Me ya sa ka ɓuya mana? Kada ka manta da ƙuncinmu da wahalarmu!

Zabura 13:1

Har yaushe za ka manta da ni, ya Ubangiji? Har abada ne? Har yaushe za ka ɓoye mini fuskarka?

1 Samaʼila 7:12

Sa'an nan Sama'ila ya ɗauki dutse ya kafa shi a tsakanin Mizfa da Shen, ya sa masa suna, Ebenezer, wato “Har wa yau Ubangiji yana taimakonmu.”

Ishaya 50:1

Ubangiji ya ce, “Kuna tsammani na kori mutanena Kamar yadda mutum yakan saki mata tasa? To, in haka ne ina takardar kisan auren? Kuna tsammani na sayar da ku cikin bauta Kamar mutumin da ya sayar da 'ya'yansa? A'a, kun tafi bauta ne saboda da zunubanku, Aka tafi da ku saboda da laifofinku.

1 Tarihi 28:9

“Kai kuwa ɗana Sulemanu, sai ka san Allah na tsohonka, ka bauta masa da zuciya ɗaya, da kuma yardar rai, gama Ubangiji mai binciken dukan zukata ne, ya kuma san kowane irin nufi da tunani. Idan ka neme shi, za ka same shi, in kuwa ka rabu da shi, shi ma zai yi watsi da kai har abada.

Ishaya 59:2

Amma laifofinku suka raba tsakaninku da Allahnku. Zunubanku ne kuma suka sa ya juya daga gare ku don kada ya ji ku.

Zabura 69:18

Ka zo ka fanshe ni, Ka kuɓutar da ni daga abokan gābana.

Zabura 102:3

Raina ya ɓace kamar hayaƙi, Jikina yana ƙuna kamar wuta.