Zabura 112:1 - Littafi Mai Tsarki

¹ Yabo ya tabbata ga Ubangiji! Mai farin ciki ne mutumin da yake tsoron Ubangiji, Mai farin ciki ne shi wanda yake jin daɗin yin biyayya da umarnansa.

Sabon Rai Don Kowa 2020

¹ Yabi Ubangiji. Mai albarka ne mutumin da yake tsoron Ubangiji, wanda yakan sami farin ciki mai girma a umarnansa.

Zabura 112:1 ပူးပေါင်းရင်းမြစ်များ

Zabura 128:1

Mai farin ciki ne wanda yake tsoron Ubangiji, Wanda yake zamansa bisa ga umarnansa!

Ishaya 50:10

Ku duka da kuke tsoron Ubangiji, Kuna kuma biyayya da kalmomin bawansa, Zai yiwu hanyar da kuke bi ta yi duhu ƙwarai, Amma ku dogara ga Ubangiji, ku jingina ga Allahnku.

Luka 1:50

Daga zamanai ya zuwa wani zamani, Jinƙansa yana ga waɗanda suke tsoronsa.

Zabura 119:35

Ka bishe ni a hanyar umarnanka, Domin a cikinsu nakan sami farin ciki

Zabura 145:19

Yakan biya bukatar dukan waɗanda suke tsoronsa, Yakan ji kukansu, ya cece su.

Zabura 111:10

Hanyar samun hikima, ita ce tsoron Ubangiji, Yakan ba da kyakkyawar ganewa Ga dukan waɗanda suke bin umarnansa, Sai ku yabe shi har abada!

Romawa 7:22

Ni kam, a birnin zuciyata, na amince da shari'ar Allah.

Zabura 119:97

Ga yadda nake ƙaunar dokarka! Ina ta tunani a kanta dukan yini.

Zabura 150:1

Yabo ya tabbata ga Ubangiji! Ku yabi Allah a cikin Haikalinsa! Ku yabi ƙarfinsa a sama!

Zabura 147:1

Yabo ya tabbata ga Ubangiji! Abu mai kyau ne mu yabi Allahnmu, Abu mai daɗi ne, daidai ne kuma, a yabe shi.

Zabura 119:143

A cike nake da wahala da damuwa, Amma umarnanka suna faranta zuciyata.

Zabura 40:8

Ina ƙaunar in aikata nufinka sosai, ya Allah! Ina riƙe da koyarwarka a zuciyata.”

Romawa 8:6

Ƙwallafa rai ga al'amuran halin mutuntaka ƙarshensa mutuwa ne, ƙwallafa rai ga ala'muran Ruhu kuwa rai ne da salama.

Zabura 119:16

Ina murna da dokokinka, Ba zan manta da umarnanka ba.

Zabura 119:14

Ina murna da bin umarnanka, Fiye da samun dukiya mai yawa.

Zabura 111:1

Yabo ya tabbata ga Ubangiji! Zan yi wa Ubangiji godiya da zuciya ɗaya, A cikin taron jama'arsa.

Fitowa 1:21

Allah kuma ya ba ungozoman nan zuriya domin sun ji tsoronsa.

M.Sh 28:3

“Za ku zama masu albarka, ko kuna cikin gari, ko kuna cikin karkara.

1 Sarakuna 18:3

Ahab kuwa ya kira Obadiya, shugaban gidansa. Obadiya kuwa mai tsoron Ubangiji ne sosai.

Mai Hadishi 8:12

Ko da yake mugun mutum ya aikata laifofi sau ɗari, amma kuwa ya rayu, duk da haka na sani idan kana tsoron Allah kome zai tafi daidai.