Zabura 1:2 - Littafi Mai Tsarki

² Maimakon haka, yana jin daɗin karanta shari'ar Allah, Yana ta nazarinta dare da rana.

Sabon Rai Don Kowa 2020

² Amma yana jin daɗin bin dokar Ubangiji, kuma yana ta nazarinta dare da rana.

Zabura 1:2 ပူးပေါင်းရင်းမြစ်များ

Yoshuwa 1:8

Kada wannan littafin dokoki ya rabu da bakinka, amma zai zama abin da za ka yi ta tunani a kansa dare da rana domin ka kiyaye, ka kuma aikata bisa ga dukan abin da aka rubuta a ciki, gama ta haka za ka yi albarka cikin hanyarka, ta haka kuma za ka yi nasara.

Zabura 119:92

Da ba domin dokarka ita ce sanadin farin cikina ba, Da na mutu saboda hukuncin da na sha.

Zabura 119:11

Na riƙe maganarka a zuciyata, Don kada in yi maka zunubi.

Romawa 7:22

Ni kam, a birnin zuciyata, na amince da shari'ar Allah.

Irmiya 15:16

Maganarka da na samu na ci. Maganarka kuwa ta zama abar murna a gare ni, Ta faranta mini zuciya. Gama ana kirana da sunanka, Ya Ubangiji Allah Mai Runduna.

Zabura 119:35

Ka bishe ni a hanyar umarnanka, Domin a cikinsu nakan sami farin ciki

Zabura 112:1

Yabo ya tabbata ga Ubangiji! Mai farin ciki ne mutumin da yake tsoron Ubangiji, Mai farin ciki ne shi wanda yake jin daɗin yin biyayya da umarnansa.

Zabura 104:34

Da ma ya ji daɗin waƙata, Saboda yakan sa ni in yi murna.

Zabura 40:8

Ina ƙaunar in aikata nufinka sosai, ya Allah! Ina riƙe da koyarwarka a zuciyata.”

Zabura 119:1

Masu farin ciki ne, marasa laifi cikin zamansu, Waɗanda suke zamansu bisa ga dokar Ubangiji.

1 Yohanna 5:3

Domin ƙaunar Allah ita ce mu bi umarninsa, umarninsa kuwa ba matsananta ba ne.

Ayuba 23:12

A kullum ina aikata abin da Allah ya umarta, Ina bin nufinsa, ba nufin kaina ba.

1 Timoti 4:15

Ka himmantu ga waɗannan abubuwa, ka kuma lazamce su ƙwarai, don kowa yă ga ci gaban da kake yi.

Zabura 119:72

Dokar da ka yi Muhimmiya ce a gare ni, Fiye da dukan dukiyar duniya.

Luka 2:37

da mijinta ya mutu kuma ta yi zaman gwauranci har shekara tamanin da huɗu. Ba ta rabuwa da Haikalin, tana bauta wa Allah dare da rana ta wurin yin addu'a da azumi.

2 Timoti 1:3

Ina gode wa Allah, wanda nake bauta wa da lamiri mai tsabta, kamar yadda kakannina suka yi, duk sa'ad da nake tunawa da kai a cikin addu'ata ba fāsawa.

1 Tessalonikawa 2:9

Ya ku 'yan'uwa, kuna iya tunawa da wahala da famar da muka sha, har muna aiki dare da rana, don kada mu nauyaya wa kowane ɗayanku, duk sa'ad da muke yi muku bisharar Allah.

Luka 18:7

Ashe, Allah ba zai biya wa zaɓaɓɓunsa da suke yi masa kuka dare da rana hakkinsu ba? Zai yi jinkiri a wajen taimakonsu ne?

Zabura 88:1

Ya Ubangiji Allah, Mai Cetona, Duk yini ina ta kuka, Da dare kuma na zo gare ka.

Farawa 24:63

A gabatowar maraice, sai Ishaku ya fita saura ya yi tunani, ya ɗaga idanunsa ya duba, ya ga raƙuma suna zuwa.

Ezra 7:10

Gama Ezra ya ba da kansa ga yin nazarin dokokin Allah, ya kiyaye su, ya kuma koyar wa Isra'ilawa dokoki da farillan Allah.