Yohanna 7:15 - Littafi Mai Tsarki

¹⁵ Yahudawa suka yi mamakin abin, suka ce, “Yaya mutumin nan yake da karatu haka, ga shi kuwa, bai taɓa koyo ba?”

Sabon Rai Don Kowa 2020

¹⁵ Yahudawa suka yi mamaki suna tambaya, “Yaya wannan mutum ya sami wannan sani haka ba tare da ya yi wani karatu ba?”

Yohanna 7:15 ပူးပေါင်းရင်းမြစ်များ

Luka 4:22

Duk suka yabe shi, suna mamakin maganarsa ta alheri da ya faɗa, har suka ce, “Ashe, wannan ba ɗan Yusufu ba ne?”

Mattiyu 13:54

Da ya zo garinsu, ya koya musu a majami'arsu, har suka yi mamaki, suka ce, “Daga ina mutumin nan ya sami wannan hikima haka, da kuma mu'ujizan nan?

Ayyukan Manzanni 26:24

Bulus na cikin kawo hanzarinsa, sai Festas ya ɗaga murya da ƙarfi ya ce, “Bulus, kai dai ruɗaɗɗe ne, yawan karatunka yana juya maka kai.”

Yohanna 7:46

Sai dogaran suka amsa suka ce, “A'a, ba mutumin da ya taɓa magana kamar wannan!”

Luka 2:47

Duk waɗanda suka ji shi kuwa suka yi al'ajabin irin fahimtarsa da amsoshinsa.

Mattiyu 22:22

Da suka ji haka, sai suka yi mamaki, suka rabu da shi, suka yi tafiyarsu.

Yohanna 1:19

Wannan kuwa ita ce shaidar Yahaya, wato, sa'ad da Yahudawa suka aiki firistoci da Lawiyawa daga Urushalima su tambaye shi, ko shi wane ne.

Mattiyu 22:33

Da jama'a suka ji haka, sai suka yi mamakin koyarwarsa.

1 Samaʼila 10:11

Sa'ad da dukan waɗanda suka san shi, suka gan shi yana yin wannan tare da annabawa, suka ce wa junansu, “Me ya faru da ɗan Kish? Saul kuma yana cikin annabawa ne?”

Yohanna 7:11

Yahudawa suna ta nemansa a wurin idin suna cewa, “Ina yake ne?”

Yohanna 7:13

Amma ba wanda ya yi magana tasa a fili don tsoron Yahudawa.

Ayyukan Manzanni 4:13

To, da suka ga ƙarfin halin Bitrus da Yahaya, suka kuma gane marasa ilimi ne, talakawa kuma, suka yi mamaki, suka kuwa shaida su, a kan dā suna tare da Yesu.

Ishaya 29:12

In kuwa kun ba wanda bai iya karatu ba, kuka roƙe shi ya karanta muku, zai ce bai iya karatu ba.