Yohanna 10:34 - Littafi Mai Tsarki

³⁴ Yesu ya amsa musu ya ce, “Ba a rubuce yake a Shari'arku ba cewa, ‘Na ce ku alloli ne’?

Sabon Rai Don Kowa 2020

³⁴ Yesu ya amsa musu ya ce, “Ba a rubuce yake a cikin Dokarku ba cewa, ‘Na ce ku alloli ne’ ?

Yohanna 10:34 ပူးပေါင်းရင်းမြစ်များ

Fitowa 7:1

Ubangiji ya ce wa Musa, “Duba, zan maishe ka kamar Allah ga Fir'auna. Ɗan'uwanka, Haruna kuwa, zai zama manzonka.

Zabura 82:1

Allah yana matsayinsa a taron jama'arsa, Yakan zartar da nufinsa a taron alloli.

Fitowa 4:16

Shi zai yi maka magana da jama'a, zai zama bakinka, kai kuwa za ka zama kamar Allah a gare shi.

Zabura 138:1

Da zuciya ɗaya nake gode maka, ya Ubangiji, Ina raira waƙar yabonka a gaban alloli.

Fitowa 22:28

“Kada ku saɓi Allah, kada kuma ku zagi mai mulkin jama'arku.

Yohanna 8:17

A Attaurarku ma a rubuce yake, cewa shaidar mutum biyu tabbatacciya ce.

Yohanna 15:25

An yi wannan kuwa domin a cika maganar da yake a rubuce a cikin Shari'arsu cewa, “Sun ƙi ni ba dalili.”

Yohanna 12:34

Sai taron suka amsa masa suka ce, “Shari'armu ta gaya mana, cewa Almasihu zai tabbata har abada. To, yaya za ka ce lalle ne a ɗaga Ɗan Mutum? Wane ne Ɗan Mutum ɗin?”

1 Korintiyawa 14:21

A rubuce yake a cikin littattafai masu tsarki cewa, “Zan yi magana da jama'an nan ta wurin mutane masu baƙin harsuna, da kuma ta harshen baƙi, duk da haka kuwa ba za su saurare ni ba, in ji Ubangiji.”

Yohanna 10:35

To, in waɗanda Maganar Allah ta zo musu ya ce da su alloli (Nassi kuwa ba ya tashi),