Romawa 8:26 - Littafi Mai Tsarki

²⁶ Haka kuma Ruhu yake yi mana taimako a kan gajiyawarmu, domin ba mu ma san abin da ya kamata mu roƙa ba, amma Ruhu da kansa yana yi mana roƙo da nishe-nishen da ba su hurtuwa.

Sabon Rai Don Kowa 2020

²⁶ Haka nan ma, Ruhu yana taimakonmu cikin rashin ƙarfinmu. Ba mu san abin da ya kamata mu roƙa cikin addu’a ba, amma Ruhu kansa yana roƙo a madadinmu da nishe-nishen da kalmomi ba sa iya bayyanawa.

Romawa 8:26 ပူးပေါင်းရင်းမြစ်များ

Mattiyu 10:20

Domin ba ku ne kuke magana ba, Ruhun Ubanku ne yake magana ta bakinku.

Afisawa 6:18

a koyaushe kuna addu'a da roƙo ta wurin ikon Ruhu ba fāsawa. A kan wannan manufa ku tsaya da kaifinku da matuƙar naci, kuna yi wa dukan tsarkaka addu'a.

Galatiyawa 4:6

Tun da yake ku 'ya'ya ne, sai Allah ya aiko da Ruhun Ɗansa a cikin zukatanmu, yana kira, “Ya Abba! Uba!”

Yohanna 14:16

Ni ma zan roƙi Uba, zai kuwa ba ku wani Mai Taimako ya kasance tare da ku har abada.

Afisawa 2:18

Domin ta gare shi ne dukanmu biyu muka sami isa gun Uba ta hanyar Ruhu guda.

Romawa 8:15

Ai, ruhun da kuka samu ba na bauta ba ne, har da za ku koma zaman tsoro. A'a, na zaman 'ya'ya ne, har muna kira, “Ya Abba! Uba!”

Zabura 6:9

Yana kasa kunne ga kukana na neman taimako, Yana kuwa amsa addu'o'ina.

Ibraniyawa 4:15

Gama Babban Firist da muke da shi ba marar juyayin kasawarmu ba ne, a'a, shi ne wanda aka jarabce shi ta kowace hanya da aka jarabce mu, amma bai yi zunubi ba.

Yaƙub 4:3

Kukan yi addu'a ku rasa, don kun yi ta da mugun nufi ne, don ku ɓatar a kan nishaɗinku.

Romawa 15:1

To, mu da muke ƙarfafa, ya kamata mu ɗauki nauyin raunana, kada mu yi sonkai.

Luka 22:44

Domin kuma yana shan wahala gaya, sai ya ƙara himmar addu'a, har jiɓinsa yana ɗiɗɗiga ƙasa kamar manyan ɗarsashin jini.]

Zakariya 12:10

“Zan cika zuriyar Dawuda da mutanen Urushalima da ruhun tausayi da na addu'a. Za su dubi wanda suka soke shi, har ya mutu. Za su yi makoki dominsa kamar waɗanda aka yi musu rasuwar ɗan farinsu.

2 Korintiyawa 5:4

Sa'ad da muke zaune a cikin jikin nan na duniya, nishi muke domin matsuwar da muke sha, ba domin muna so mu rabu da jikinmu na wannan duniya ba ne, amma don so muke yi a suturta mu da na Sama, domin mai rai ya shafe mai mutuwa.

Zabura 10:17

Za ka saurara ga addu'o'in masu kaɗaici, ya Ubangiji, Za ka ba su ƙarfin hali.

2 Korintiyawa 5:2

A jikin nan muna ajiyar zuciya, mun ƙosa mu samu a suturta mu da jiki namu na Sama,

Mattiyu 20:22

Amma Yesu ya amsa ya ce, “Ba ku san abin da kuke roƙo ba. Kwa iya shan ƙoƙon da ni zan sha?” Suka ce masa, “Ma iya.”

Zabura 102:5

Ina nishi da ƙarfi, Ba abin da ya ragu gare ni, In banda ƙashi da fata.

Zabura 6:3

Duk na damu ƙwarai da gaske. Sai yaushe wannan zai ƙare, ya Ubangiji?

Ibraniyawa 5:2

Yă kuma zamana wanda zai iya tafiyar da jahilai da sangartattu a cikin salihanci, tun da yake rarrauna ne shi ta ko'ina.

Romawa 7:24

Kaitona! Wa zai cece ni daga jikin nan, wanda yake kai ni ga mutuwa?

Zabura 69:3

Na gaji da kira, ina neman taimako, Maƙogwarona yana yi mini ciwo, Idanuna duka sun gaji, Saboda ina zuba ido ga taimakonka.

Zabura 102:20

Don ya ji nishin ɗaurarru, Don ya saki waɗanda aka yanke musu hukuncin kisa.

Ayuba 37:19

Ka koya mana abin da za mu faɗa masa, Ba za mu iya gabatar da ƙararrakinmu ba, gama mu dolaye ne.

Makoki 3:56

Ka kuwa ji muryata. Kada ka rufe kunnenka ga jin kukana na neman taimako.