Romawa 1:9 - Littafi Mai Tsarki

⁹ Domin kuwa Allah, wanda nake bauta wa a ruhuna ta yin bisharar Ɗansa, shi ne mashaidina a kan yadda kullum ba na fasa ambatonku a cikin addu'ata,

Sabon Rai Don Kowa 2020

⁹ Allah, wanda nake bauta wa da dukan zuciyata cikin wa’azin bisharar Ɗansa, shi ne shaidata a kan yadda kullum ina tunawa da ku

Romawa 1:9 ပူးပေါင်းရင်းမြစ်များ

Afisawa 6:18

a koyaushe kuna addu'a da roƙo ta wurin ikon Ruhu ba fāsawa. A kan wannan manufa ku tsaya da kaifinku da matuƙar naci, kuna yi wa dukan tsarkaka addu'a.

2 Timoti 1:3

Ina gode wa Allah, wanda nake bauta wa da lamiri mai tsabta, kamar yadda kakannina suka yi, duk sa'ad da nake tunawa da kai a cikin addu'ata ba fāsawa.

Romawa 9:1

Gaskiya nake faɗa, ni na Almasihu ne, ba ƙarya nake yi ba. Lamirina, ta wurin Ruhu Mai Tsarki, yana ba da shaida,

1 Tessalonikawa 5:17

Ku riƙa yin addu'a ba fāsawa.

2 Korintiyawa 1:23

Labudda, Allah shi ne mashaidina a kan cewa, musamman don sawwaƙe muku ne, na fāsa zuwa Koranti.

1 Tessalonikawa 3:10

Dare da rana muna nacin addu'a ƙwarai mu sami ganinku ido da ido, mu kuma cikasa abin da ya gaza wajen bangaskiyarku.

1 Tessalonikawa 1:2

A kullum muna gode wa Allah saboda ku duka, koyaushe muna ambatonku a cikin addu'armu,

Filibbiyawa 3:3

Don mu ne masu kaciyar ainihi, masu bauta wa Allah ta wurin Ruhu, masu taƙama da Almasihu Yesu, ba mu kuma dogara da al'amuran ganin ido,

Filibbiyawa 1:4

a kullum kuwa a kowace addu'a da nake muku duka, da farin ciki nake yi.

Ayyukan Manzanni 27:23

Don a daren jiya wani mala'ikan Allah wanda ni nasa ne, nake kuma bauta masa, ya tsaya kusa da ni,

Ayyukan Manzanni 19:21

Bayan waɗannan al'amura Bulus ya ƙudura a ransa, cewa in ya zazzaga ƙasar Makidoniya da ta Akaya, za shi Urushalima, ya kuma ce, “Bayan na je can, lalle ne kuma in je in ga birnin Roma.”

1 Timoti 2:7

Don haka ne aka sa ni mai wa'azi, da manzo kuma (gasikya nake faɗa, ba ƙarya ba), mai koya wa al'ummai al'amarin bangaskiya da kuma na gaskiya.

Filibbiyawa 2:22

Amma, ai, kun san darajar Timoti yadda muka yi bautar bishara tare, kamar ɗa da mahaifinsa.

Galatiyawa 1:20

Abin nan da nake rubuto muku fa, ba ƙarya nake yi ba, a gaban Allah nake faɗa.

2 Korintiyawa 11:31

Allahn Ubangiji Yesu, wato Ubansa, wanda ya yabo ya tabbata a gare shi har abada, ya sani ba ƙarya nake yi ba.

Ayyukan Manzanni 24:14

Amma na yarda cewa, bisa ga hanyar nan da suke kira ‘Ɗariƙa’ nake bauta wa Allahn kakanninmu, nake kuma gaskata duk abin da yake a rubuce a cikin Attaura da kuma littattafan annabawa.

Ayyukan Manzanni 12:5

Sai aka tsare Bitrus a kurkuku, Ikkilisiya kuwa ta himmantu ga roƙon Allah saboda shi.

Ayyukan Manzanni 3:26

Da Allah ya taso da Baransa, gare ku ne ya fara aiko shi, don yă yi muku albarka ta juyo da ko wannenku ga barin muguntarsa.”

Luka 18:1

Ya kuma ba su wani misali cewa ya kamata kullum su yi addu'a, kada kuma su karai.

Markus 1:1

Farkon bisharar Yesu Almasihu, Ɗan Allah, ke nan.

Ayuba 16:19

Akwai wani a Sama Wanda zai tsaya mini ya goyi bayana.

1 Samaʼila 12:23

Amma ni kaina, Allah ya sawwaƙa in yi wa Ubangiji zunubi ta wurin fasa yin addu'a ga Ubangiji dominku. Zan riƙa koya muku kyawawan abubuwan da suke daidai.

Filemon 1:4

A kullum ina gode wa Allahna duk sa'ad da nake yi maka addu'a,

Filibbiyawa 1:3

Ina gode Allahna duk sa'ad da nake tunawa da ku,