Nehemiya 9:13 - Littafi Mai Tsarki

¹³ Ka kuma sauka a bisa Dutsen Sinai, Ka yi magana da jama'arka a can, Ka ba su ka'idodin da suka dace, Da dokoki, da kyakkyawar koyarwa.

Sabon Rai Don Kowa 2020

¹³ “Ka sauko a kan Dutsen Sinai; ka yi musu magana daga sama. Ka ba su ƙa’idodi da dokokin da suke masu adalci da kuma daidai, ka ba su farillai da umarnai da suke da kyau.

Nehemiya 9:13 ပူးပေါင်းရင်းမြစ်များ

Zabura 119:160

Cibiyar dokarka gaskiya ce, Dukan ka'idodinka na adalci tabbatattu ne.

Fitowa 20:1

Allah ya faɗi dukan waɗannan zantuttuka, ya ce,

Fitowa 19:11

Su shirya saboda rana ta uku, gama a kan rana ta uku zan sauko a bisa dutsen Sina'i a gabansu duka.

Romawa 7:16

To, idan abin da ba na niyya, shi nake yi, na yarda ke nan Shari'a aba ce mai kyau.

Habakkuk 3:3

Daga Edom Allah ya zo, Daga dutsen Faran Mai Tsarki yake tahowa. Ɗaukakarsa ta rufe sammai, Duniya kuwa ta cika da yabonsa.

Ishaya 64:3

Ka taɓa zuwa ka yi abubuwan banrazana waɗanda ba mu sa tsammani ba, duwatsu suka ganka suka kaɗu domin tsoro.

Ishaya 64:1

Don me ba za ka kware sararin sama, ka sauko ba? Duwatsu za su gan ka, su girgiza saboda tsoro!

Zabura 119:137

Kai mai adalci ne, ya Ubangiji, Dokokinka kuma daidai ne,

M.Sh 33:2

Ya ce, “Ubangiji ya taho daga Sina'i, Daga Dutsen Faran kuma ya haskaka, Ya taho tare da dubban tsarkakansa, Da harshen wuta a damansa.

M.Sh 5:4

Ubangiji ya yi muku magana fuska da fuska bisa dutsen ta tsakiyar wuta.

M.Sh 4:33

Akwai wata jama'a da ta taɓa jin muryar wani allah tana magana ta tsakiyar wuta kamar yadda kuka ji, har suka rayu?

M.Sh 4:8

Ko kuwa, da akwai wata babbar al'umma wadda take da dokoki da farillai na adalci kamar waɗannan dokoki da na sa a gabanku yau?”

Fitowa 20:22

Ubangiji ya ce wa Musa, “Haka za ka faɗa wa Isra'ilawa, ‘Ku da kanku kun ji na yi magana da ku daga sama.

Fitowa 16:23

Shi kuwa ya ce, “Ga abin da Ubangiji ya umarta, ‘Gobe ranar hutawa ce ta saduda, Asabar ce, tsattsarka ga Ubangiji. Ku toya abin da za ku toya, ku kuma dafa abin da za ku dafa. Abin da kuka ci kuka rage, ku ajiye don gobe’ ”

M.Sh 4:36

Ya sa ku ji muryarsa daga Sama don ya horar da ku. Ya kuma sa ku ga babbar wutarsa a duniya, kuka kuma ji muryarsa daga cikin wutar.

Zabura 119:4

Kai ka ba mu dokokinka, Ka kuwa faɗa mana mu kiyaye su da aminci.

2 Sarakuna 17:37

Sai su yi biyayya da dokokinsa da umarnansa da ya rubuta musu. Kada su ji tsoron waɗansu alloli.

Ezra 7:6

Ezra ɗin ya taho daga Babila. Shi malami ne, masanin shari'ar Musa, wadda Ubangiji Allah na Isra'ila ya bayar. Sarki kuwa ya ba shi dukan abin da ya roƙa, gama Ubangiji Allahnsa yana tare da shi.