M.Sh 6:6 - Littafi Mai Tsarki

⁶ Waɗannan kalmomi da na umarce ku da su a yau, za su zauna a zuciyarku.

Sabon Rai Don Kowa 2020

⁶ Waɗannan umarnai da nake ba ku a yau, za su kasance a zukatanku.

M.Sh 6:6 ပူးပေါင်းရင်းမြစ်များ

Kolossiyawa 3:16

Maganar Almasihu tă kahu a cikin zuciyarku a yalwace, kuna koya wa juna, kuna yi wa juna gargaɗi da matuƙar hikima ta wurin rairar waƙoƙin Zabura da na yabon Allah, kuna kuma raira waƙa ga Allah, kuna gode masa tun daga zuci.

Irmiya 31:33

Amma wannan shi ne alkawarin da zan yi da mutanen Isra'ila bayan waɗancan kwanaki, ni Ubangiji na faɗa. Zan sa dokokina a cikinsu, zan rubuta su a zukatansu, zan zama Allahnsu, su kuma za su zama jama'ata.

Karin Magana 7:3

Kullayaumi ka riƙe koyarwata tare da kai, ka rubuta ta a zuciyarka.

M.Sh 11:18

“Sai ku riƙe zantuttukan nan nawa a zuciyarku da ranku. Za ku ɗaura su alama a hannuwanku, da goshinku.

Zabura 37:31

Yakan riƙe dokar Allahnsa a zuciyarsa, Ba ya kauce mata, faufau.

2 Korintiyawa 3:3

A fili yake, ku wasiƙa ce ta Almasihu, ta hannunmu, ba kuwa rubutun tawada ba ne, amma na Ruhun Allah Rayayye ne, ba kuwa a kan allunan dutse aka rubuta ta ba, sai dai a zuci.

M.Sh 32:46

ya ce musu, “Ku riƙe dukan waɗannan kalmomi a zuciyarku, waɗanda nake yi muku kashedi da su a yau don ku umarci 'ya'yanku su kiyaye dukan maganar dokokin nan sosai.

Zabura 119:11

Na riƙe maganarka a zuciyata, Don kada in yi maka zunubi.

Ishaya 51:7

“Ku kasa kunne gare ni, ku da kuka san abin da yake daidai, Ku da kuke riƙe da koyarwata a zuciyarku. Kada ku ji tsoro sa'ad da mutane suke yi muku ba'a da zagi.

Luka 8:15

Waɗanda aka shuka a ƙasa mai kyau kuwa su ne waɗanda suka ji Maganar, suka riƙe ta kamkam da zuciya ɗaya kyakkyawa, suka jure har suka yi amfani.

Karin Magana 3:5

Ka dogara ga Ubangiji da zuciya ɗaya, kada ka dogara ga abin da kake tsammani ka sani.

Luka 2:51

Sai ya koma Nazarat tare da su, yana yi musu biyayya. Uwa tasa kuwa na riƙe da dukan abubuwan nan a ranta.

Zabura 119:98

Umarninka yana tare da ni a kowane lokaci, Ya sa ni in yi hikima fiye da dukan maƙiyana.

Zabura 40:8

Ina ƙaunar in aikata nufinka sosai, ya Allah! Ina riƙe da koyarwarka a zuciyata.”

2 Yohanna 1:2

wato, muna ƙaunarku saboda gaskiyar da take a dawwame a cikinmu, za ta kuwa kasance tare da mu har abada.

Farawa 18:19

Gama na zaɓe shi don ya umarci 'ya'yansa da gidansa domin su kiyaye tafarkin Ubangiji a bayansa, su riƙe adalci da shari'a.” Ubangiji ya tabbatar wa Ibrahim da abin da ya alkawarta masa.

2 Samaʼila 22:23

Na kiyaye dukan dokokinsa, Ban yi rashin biyayya ga umarnansa ba.

M.Sh 11:20

Za ku rubuta su a madogaran ƙofofin gidajenku, da bisa ƙofofinku,

Zabura 119:13

Zan ta da murya, In maimaita dukan dokokin da ka bayar.

Zabura 119:30

Na yi niyya in yi biyayya, Na mai da hankali ga ka'idodinka.