M.Sh 32:8 - Littafi Mai Tsarki

⁸ Sa'ad da Maɗaukaki ya ba al'ummai gādonsu, Sa'ad da ya raba 'yan adam, Ya yanka wa mutane wurin zama bisa ga yawan Isra'ilawa.

Sabon Rai Don Kowa 2020

⁸ Sa’ad da Mafi Ɗaukaka ya ba da al’ummai gādonsu, sa’ad da ya raba dukan ’yan adam, ya kafa iyakoki wa mutane bisa ga yawan ’ya’yan Isra’ila maza.

M.Sh 32:8 ပူးပေါင်းရင်းမြစ်များ

Ayyukan Manzanni 17:26

Shi ne kuma ya halicci dukkan al'umma daga tsatso ɗaya, domin su zauna a dukan sararin duniya, ya kuma ƙayyade zamanansu da iyakokin ƙasashensu,

Daniyel 4:17

Wannan shi ne hukuncin da tsarkaka, Masu tsaro suka shawarta, Suka yanke domin masu rai su sani Maɗaukaki yake sarautar 'yan adam, Yakan kuma ba da ita ga wanda ya ga dama, Yakan sa talaka ya zama sarki.’

Zabura 115:16

Samaniya ta Ubangiji ce kaɗai, Amma ya ba mutane duniya.

Zabura 92:8

Gama kai, ya Ubangiji, Maɗaukaki ne har abada.

Zabura 91:1

Duk wanda ya je wurin Maɗaukaki Zai zauna lafiya, Duk wanda yake zaune a inuwar Mai Iko Dukka,

Farawa 10:25

An haifa wa Eber 'ya'ya biyu, sunan ɗayan Feleg, gama a zamaninsa aka raba ƙasa, sunan ɗan'uwansa kuwa Yokatan.

Farawa 10:15

Kan'ana ya haifi Sidon ɗan farinsa, da Het,

Ayyukan Manzanni 7:48

Duk da haka Maɗaukaki ba ya zama a gidaje, ginin mutum. Yadda Annabi Ishaya ya ce,

Daniyel 5:18

“Ya sarki, Allah Maɗaukaki ya ba Nebukadnezzar ubanka sarauta, da girma, da daraja, da martaba.

Ishaya 14:14

Kai ka ce za ka hau can bisa kan taurari, ka zama kamar Mai Iko Dukka.

Zabura 82:6

Na faɗa muku, ku alloli ne, Cewa dukanku 'ya'ya ne na Maɗaukaki.

Zabura 50:14

Bari ku miƙa wa Allah hadayarku ta godiya, Ku ba Mai Iko Dukka, dukan hadayun da kuka alkawarta.

Zabura 7:17

Zan gode wa Ubangiji saboda adalcinsa, Zan raira yabbai ga Ubangiji, Maɗaukaki.

Ƙidaya 24:16

Faɗar wanda yake jin faɗar Allah, Wanda ya san hikimar Maɗaukaki, Wanda yake ganin wahayin Mai Iko Dukka, Yana durƙurshe, amma idanunsa a buɗe suke.

Ƙidaya 23:9

Gama daga kan duwatsu na gan su, Daga bisa kan tuddai na hange su, Jama'a ce wadda take zaune ita kaɗai, Sun sani sun sami albarka fiye da sauran al'ummai.

M.Sh 33:28

Da haka Isra'ila yana zaune lafiya, Zuriyar Yakubu tana zaune ita kaɗai A ƙasa mai hatsi da ruwan inabi, Wurin da raɓa take zubowa daga sama.

Zabura 74:17

Ka yi wa duniya kan iyaka, Ka kuwa yi lokatan damuna da na rani.

Mika 2:5

Don haka ba za ku sami wanda zai sa muku ma'auni A taron jama'ar Ubangiji ba.

Farawa 10:5

Daga waɗannan ne mazauna a bakin gāɓa suka yaɗu bisa ga ƙasashensu, kowanne da harshensa, bisa ga iyalansu da kabilansu.

1 Tarihi 16:18

“Zan ba ka ƙasar Kan'ana, Za ta zama mallakarka.”

Ayuba 15:19

Ƙasaru 'yantacciya ce daga baƙi Ba wanda zai raba su da Allah.