M.Sh 32:12 - Littafi Mai Tsarki

¹² Ubangiji ne kaɗai ya bishe shi, Ba wani baƙon allah tare da shi.

Sabon Rai Don Kowa 2020

¹² Ubangiji kaɗai ya jagorance shi; babu wani baƙon gunkin da yake tare da shi.

M.Sh 32:12 ပူးပေါင်းရင်းမြစ်များ

Ishaya 46:4

Ni ne Allahnku, zan kuwa lura da ku, Har lokacin da kuka tsufa kuka yi furfura. Ni na halice ku zan kuwa lura da ku, Zan yi muku taimako in kuwa kuɓutar da ku.”

Zabura 136:16

Ya bi da jama'arsa cikin hamada, Gama ƙaunarsa madawwamiya ce.

Zabura 78:14

Da rana sai ya bi da su da girgije, Da dare kuwa ya bi da su da hasken wuta.

M.Sh 1:31

Kun ma ga yadda Ubangiji ya bi da ku cikin jeji kamar yadda mutum yakan bi da ɗansa, a dukan tafiyarku har zuwa wannan wuri.’

Zabura 27:11

Ka koya mini abin da ya kamata in yi, ya Ubangiji, Ka bi da ni kan lafiyyiyar hanya, Domin ina da magabta da yawa.

Nehemiya 9:12

Da rana ka bishe su da al'amudin girgije, Da dare ka bishe su da al'amudin wuta.

M.Sh 32:39

“ ‘Ku duba fa, ni ne shi, Ba wani Allah, banda ni, Nakan kashe, in rayar, Nakan sa rauni, nakan kuma warkar, Ba wanda zai cece su daga hannuna.

Zabura 80:1

Ka kasa kunne gare mu, ya Makiyayin Isra'ila, Ka ji mu, kai da kake shugaban garkenka, Da kake zaune a kan kursiyinka, a bisa kerubobi.

M.Sh 4:35

An nuna muku wannan don ku sani Ubangiji shi ne Allah, banda shi, ba wani kuma.

M.Sh 4:39

Domin haka, yau sai ku sani, ku kuma riƙe a zuciyarku, cewa Ubangiji shi kaɗai ne Allah a sama da duniya. Banda shi, ba wani kuma.

Zabura 81:9

Faufau kada ku bauta wa gumaka, Ko ku yi sujada ga wanina.

Ishaya 63:14

Kamar yadda ake bi da shanu cikin kwari mai dausayi, haka Ubangiji ya ba mutanensa hutawa. Haka kuma Ubangiji ya bi da mutanensa, ya kuwa kawo ɗaukaka ga sunansa.

Yoshuwa 24:17

Gama Ubangiji Allahnmu ne ya fisshe mu da kakanninmu daga ƙasar Masar, a gidan bauta. Shi ne wanda ya aikata manyan alamu a idonmu, ya kuma kiyaye mu a dukan hanyar da muka bi, da cikin dukan al'umman da muka ratsa.

Ayuba 15:19

Ƙasaru 'yantacciya ce daga baƙi Ba wanda zai raba su da Allah.

Hosiya 11:4

Na bishe su da linzamin alheri da ragamar ƙauna, Na zama musu kamar wanda yake ɗauke musu karkiya daga muƙamuƙansu. Na sunkuya, na ciyar da su.