M.Sh 32:1 - Littafi Mai Tsarki

¹ “Ku saurara, ya ku sammai, gama zan yi magana, Bari duniya ta ji maganar bakina.

Sabon Rai Don Kowa 2020

¹ Ku saurara, ya ku sammai, zan yi magana; bari duniya ta ji maganar bakina.

M.Sh 32:1 ပူးပေါင်းရင်းမြစ်များ

Ishaya 1:2

Ubangiji ya ce, “Duniya da sararin sama, ku kasa kunne ga abin da ni, Ubangiji, nake cewa! 'Ya'yan da na goya sun tayar mini.

M.Sh 4:26

to, yau na kira sama da duniya su shaida a kanku, cewa lalle za ku hallaka nan da nan cikin ƙasar da za ku haye Urdun zuwa cikinta don ku mallake ta. Ba za ku daɗe cikinta ba, amma za a shafe ku ƙaƙaf.

Irmiya 22:29

Ya ke ƙasa, ƙasa, ƙasa! Ki ji maganar Ubangiji!

Zabura 49:1

Ku ji wannan, ko wannenku, Ku saurara jama'a duka na ko'ina,

Irmiya 6:19

Ki ji, ya ke duniya, Ga shi, ina kawo masifa a kan wannan jama'a, Sakayyar ƙulle-ƙullensu, Don ba su kula da maganata ba, Sun ƙi dokokina.

Zabura 50:4

Ya kira sammai da duniya su zama shaidu, Su ga yadda yake shara'anta jama'arsa.

M.Sh 31:28

Ku tattaro mini dattawan kabilanku da manyanku don in faɗa musu wannan magana a kunnensu, in kuma kira sama da duniya su zama shaida a kansu.

M.Sh 30:19

Ina kiran sama da duniya su zama shaidu a kanku yau, cewa na sa rai da mutuwa a gabanku, da albarka da la'ana. Ku zaɓi rai fa, don ku rayu, ku da zuriyarku.

Irmiya 2:12

Sammai, ku girgiza saboda wannan, ku razana, Ku yi shiru, ni Ubangiji na faɗa.

M.Sh 31:30

Sa'an nan Musa ya hurta kalmomin wannan waƙa a kunnen dukan taron jama'ar Isra'ila har ƙarshensu.

Ishaya 34:1

Ku zo, ku jama'ar dukan al'ummai! Ku tattaru ku kasa kunne. Bari dukan duniya, da kowane mai zama cikinta, ya zo nan ya kasa kunne.

M.Sh 31:19

“Don haka, sai ka rubuta wannan waƙa, ka koya wa Isra'ilawa. Ka sa ta a bakinsu don waƙan nan ta zama shaida a gare ni game da Isra'ilawa.