M.Sh 28:29 - Littafi Mai Tsarki

²⁹ Da tsakar rana za ku riƙa lalubawa kamar makaho, ba za ku yi arziki cikin ayyukanku ba. Za a riƙa zaluntarku, ana yi muku ƙwace kullum, ba wanda zai cece ku.

Sabon Rai Don Kowa 2020

²⁹ Da tsakar rana za ku riƙa lallubawa kamar makaho. Za ku zama marasa nasara a cikin kome da kuka yi; kowace rana za a zalunce ku, a kuma yi muku ƙwace, ba tare da wani ya cece ku ba.

M.Sh 28:29 ပူးပေါင်းရင်းမြစ်များ

Ishaya 59:10

Muna ta lalubar bango kamar makafi, muna ta lalubawa kamar marasa idanu. Da tsakar rana muke ta tuntuɓe, sai ka ce da almuru. A tsakanin waɗanda suke da cikakken ƙarfi, kamar matattu muke.

Ayuba 5:14

Da rana sukan yi karo da duhu, Ko da tsakar rana ma lalube suke kamar ana duhu.

Mahukunta 13:1

Isra'ilawa kuma suka sāke yi wa Ubangiji zunubi, sai Ubangiji ya ba da su a hannun Filistiyawa shekara arba'in.

Mahukunta 10:8

Suka murƙushe Isra'ilawa, suka matsa musu. Har shekara goma sha takwas suka yi ta matsa dukan Isra'ilawan da suke a hayin Urdun daga gabas, a cikin Gileyad, inda Amoriyawa suke zaune.

Mahukunta 3:14

Isra'ilawa suka bauta wa Eglon Sarkin Mowab, shekara goma sha takwas.

Romawa 11:25

'Yan'uwa, ga wata asirtacciyar gaskiya da nake so ku sani, domin kada ku zaci ku masu hikima ne, taurarewar nan–wadda ba mai tabbata ba ce–ta sami Isra'ilawa ne, har adadin al'ummai masu ɗungumawa zuwa ga Allah ya cika.

Ayyukan Manzanni 21:24

Sai ka tafi da su ku tsarkaka gaba ɗaya, ka kuma biya musu kome don su samu su yi aski. Ta haka, kowa zai sani duk abin da aka gaya musu game da kai, ba wata gaskiya a ciki, kai kuma kana kiyaye Shari'a.

Zefaniya 1:17

“Zan aukar wa mutane da wahala, Za su kuwa yi tafiya kamar makafi, Domin sun yi wa Ubangiji zunubi. Za a zubar da jininsu kamar ƙura, Namansu kuwa kamar taroso.”

Makoki 5:17

Saboda wannan zuciyarmu ta ɓaci, Idanunmu kuma suka duhunta.

Makoki 5:8

Bayi suke mulkinmu, Ba kuwa wanda zai cece mu daga hannunsu.

Ayuba 12:25

Su yi ta lalube cikin duhu, su yi ta tangaɗi kamar bugaggu.”

Nehemiya 9:37

Amfanin ƙasa duk yana tafiya ga sarakunan Da ka ɗora su a kanmu saboda mun yi zunubi. Suna yi mana yadda suka ga dama, mu da dabbobinmu, Muna cikin baƙin ciki.”

Farawa 19:11

Sai suka bugi mutanen da suke ƙofar gidan da makanta, ƙanana da manya duka, har suka gajiyar da kansu suna laluba inda ƙofa take.

Fitowa 10:21

Sa'an nan Ubangiji ya ce wa Musa, “Miƙa hannunka sama, domin a yi duhu cikin ƙasar Masar, irin duhun da za a iya taɓawa.”

M.Sh 28:28

Ubangiji kuma zai buge ku da ciwon hauka, da makanta, da rikicewar hankali.

Irmiya 9:19

“Gama ana jin muryar kuka daga Sihiyona cewa, ‘Ga yadda muka lalace! Aka kunyatar da mu ɗungum! Don mun bar ƙasar, domin sun rurrushe wuraren zamanmu.’ ”

Makoki 4:14

Sun yi ta kai da kawowa a titi kamar makafi, Sun ƙazantu da jini Har ba wanda zai taɓa rigunansu.