M.Sh 18:13 - Littafi Mai Tsarki

¹³ Sai ku zama marasa aibu a gaban Ubangiji Allahnku.

Sabon Rai Don Kowa 2020

¹³ Dole ku zama marasa zargi a gaban Ubangiji Allahnku.

M.Sh 18:13 ပူးပေါင်းရင်းမြစ်များ

Mattiyu 5:48

Saboda haka sai ku zama cikakku, kamar yadda Ubanku na Sama take cikakke.”

Farawa 17:1

A lokacin da Abram yake da shekara tasa'in da tara Ubangiji ya bayyana gare shi, ya ce masa, “Ni ne Allah Mai Iko Dukka. Ka yi mini biyayya, ka zama kamili.

Farawa 6:9

Waɗannan su ne zuriyar Nuhu. Nuhu adali ne, salihi ne kuma a cikin zamaninsa. Nuhu ya yi tafiya tare da Allah.

Filibbiyawa 3:12

Ba cewa, na riga na kai ga waɗannan ba ne, ko kuwa na zama kammalalle, a'a. sai dai ina nacewa ne, in riƙi abin nan da Almasihu Yesu ma ya riƙe ni saboda shi.

Zabura 37:37

Dubi mutumin kirki, ka lura da adali, Mutumin salama yakan sami zuriya,

Ayuba 1:8

Ubangiji ya ce masa, “Ko ka lura da bawana Ayuba? Ba wani mutumin kirki, mai aminci, kamarsa a duniya. Yana yi mini sujada, natsattse ne, yana ƙin aikata kowace irin mugunta.”

Ayuba 1:1

Akwai wani mutum a ƙasar Uz, mai suna Ayuba, amintacce ne, mai tsoron Allah. Shi mutumin kirki ne, natsattse, yana ƙin aikata kowace irin mugunta.

W.Yah 3:2

Ka yi zaman tsaro, ka ƙarfafa abin nan da ya saura, yake kuma a bakin mutuwa, don ban ga aikinka cikakke ne ba a gaban Allahna.

Filibbiyawa 3:15

Saboda haka ɗaukacin waɗanda suka kammala a cikinmu, sai su bi wannan ra'ayi. In kuwa a game da wani abu ra'ayinku ya sha bambam, to, Allah zai bayyana muku wannan kuma.

Yoshuwa 24:14

“To fa, ku yi tsoron Ubangiji, ku bauta masa da sahihanci da aminci, ku yi watsi da gumakan da kakanninku suka bauta wa a hayin Kogin Yufiretis, da cikin Masar.

1 Sarakuna 8:61

Ku kuma jama'arsa, sai ku amince da Ubangiji Allahnmu da zuciya ɗaya, ku kiyaye dokokinsa da umarnansa, kamar yadda kuke yi a yau.”