Mika 7:11 - Littafi Mai Tsarki

¹¹ Za a faɗaɗa iyakarka A ranar da za a gina garunka.

Sabon Rai Don Kowa 2020

¹¹ Ranar gina katangarka tana zuwa, a ranar za a fadada iyakokinka.

Mika 7:11 ပူးပေါင်းရင်းမြစ်များ

Nehemiya 2:8

A kuma ba ni takarda zuwa ga Asaf, sarkin daji, domin ya ba ni katakan da zan yi jigajigan ƙofofin kagarar Haikali, da na garun birnin, da na gidan da zan zauna.” Sarki kuwa ya ba ni abin da na roƙa, gama Allah yana tare da ni.

Ishaya 54:11

Ubangiji ya ce, “Ya Urushalima, mai shan wahala, birnin da yake cikin halin ƙaƙa naka yi, Ba ki da wanda zai ta'azantar da ke. Zan sake gina harsashinki da duwatsu masu daraja.

Nehemiya 4:6

Muka gina garun, har ya kai rabin tsayinta, domin mutane sun himmatu da aikin.

Nehemiya 4:3

Tobiya Ba'ammone yana kusa da shi, ya ce, “Ai, garun da suke ginawa da duwatsu, ko dila ya hau, sai ya rushe shi!”

Nehemiya 2:17

Sa'an nan na ce musu, “Kun ga irin wahalar da muke ciki, yadda Urushalima ta zama kango, an kuma ƙone ƙofofinta. Ku zo, mu sāke gina garun Urushalima don mu fita kunya.”

Daniyel 9:25

Sai ka sani, ka kuma gane, daga lokacin da aka umarta a sāke gina Urushalima har zuwa lokacin da shugaba, Masiha, zai zo, za a yi shekara arba'in da tara, da shekara ɗari huɗu da talatin da huɗu. Za a sāke gina ta a yi mata tituna da kagara.

Ishaya 54:2

Ki fāɗaɗa alfarwar da kike zama ciki! Ki ƙara tsawon igiyoyinta, ki kuma ƙara ƙarfin turakunta!

Ishaya 58:12

Za ku sāke gina tsofaffin kufanku na dā can, za ku sāke kafa tushen zuriya da yawa. Za a kira ku, ‘Masu gyaran abin da ya lalace, masu sāke gyaran gidaje.’ ”

Ishaya 61:4

Za su sāke gina biranen da suke a rurrushe tun da daɗewa.