Mattiyu 5:39 - Littafi Mai Tsarki

³⁹ Amma ni ina gaya muku, kada ku ƙi a cuce ku. Amma ko wani ya mare ka a kuncin dama, to, juya masa ɗayan kuma.

Sabon Rai Don Kowa 2020

³⁹ Amma ina gaya muku, Kada ku yi tsayayya da mugun mutum. In wani ya mare ka a kumatun dama, juya masa ɗayan ma.

Mattiyu 5:39 ပူးပေါင်းရင်းမြစ်များ

1 Tessalonikawa 5:15

Ku lura fa, kada kowa ya rama mugunta da mugunta. Sai dai kullum ku nace yi wa juna aiki nagari, da kuma dukkan mutane.

1 Bitrus 3:9

Kada ku rama mugunta da mugunta, ko zagi da zagi, a maimakon haka, sai ku sa albarka. Domin a kan haka ne musamman aka kira ku, ku kuma gaji albarka.

Karin Magana 20:22

Kada ka ɗaukar wa kanka fansa, ka dogara ga Ubangiji shi zai yi sakamako.

Makoki 3:30

Bari ya yarda a mari kumatunsa, Ya haƙura da cin mutunci.

Firistoci 19:18

Kada ya ɗaukar wa kansa fansa a kan wani ko ya yi ta ƙinsa, amma ya ƙaunaci sauran mutane kamar yadda yake ƙaunar kansa. Ni ne Ubangiji.

Karin Magana 24:29

Kada ka ce, “Zan yi masa daidai da yadda ya yi mini, zan rama masa!”

Ishaya 50:6

Na tsiraita ga masu dūkana. Ban hana su sa'ad da suke zagina ba, Suna tsittsige gemuna, Suna tofa yau a fuskata.

1 Korintiyawa 6:7

Ku yi ƙarar juna ma, ai, hasara ce a gare ku. Ba gara ku haƙura a cuce ku ba? Ku kuma haƙura a zambace ku?

Yaƙub 5:6

Kun hukunta mai adalci, kun kuma kashe shi, bai kuwa yi muku tsayayya ba.

Ayuba 16:10

Mutane sun buɗe baki don su haɗiye ni Suna kewaye ni suna ta marina.

Ibraniyawa 12:4

Famarku da zunubi ba ta kai har yadda za a kashe ku ba.

Luka 22:64

Suka ɗaure masa idanu, suka tambaye shi, suka ce, “Yi annabci! Wa ya buge ka?”

1 Sarakuna 22:24

Sa'an nan Zadakiya ɗan Kena'ana ya matso kusa ya mari Mikaiya a fuska, ya ce, “Ƙaƙa Ruhun Ubangiji ya bar ni, ya zo ya yi magana da kai?”

Mika 5:1

Ki tattara sojojinki, gama an kewaye mu da yaƙi. Za su bugi kumatun Sarkin Isra'ila da sanda.

Mattiyu 5:40

In kuwa wani ya yi ƙararka da niyyar karɓe taguwarka, to, ka bar masa mayafinka ma.

Luka 6:7

Sai malaman Attaura da Farisiyawa suka yi haƙwansa su ga ko yā warkar a ran Asabar, don su samu su kai ƙararsa.

Yohanna 18:23

Yesu ya amsa masa ya ce, “In na faɗi mugun abu to, ka ba da shaida kan haka. In kuwa daidai na faɗa, to, don me za ka mare ni?”