Luka 19:26 - Littafi Mai Tsarki

²⁶ ‘Ina dai gaya muku, duk mai abu a kan ƙara wa. Marar abu kuwa, ko ɗan abin da yake da shi ma, sai a karɓe masa.

Sabon Rai Don Kowa 2020

²⁶ “Ya amsa ya ce, ‘Ina gaya muku, duk wanda yake da abu, za a ƙara masa. Amma wanda ba shi da shi kuwa, ko abin da yake da shi ma, za a karɓe.

Luka 19:26 ပူးပေါင်းရင်းမြစ်များ

2 Yohanna 1:8

Ku kula da kanku don kada ku yar da aikin da muka yi, amma dai ku sami cikakken sakamako.

Luka 8:18

Ku kula fa, ku iya ji, don mai abu akan ƙara wa. Marar abu kuwa, ko ɗan abin da yake tsammani yake da shi ma, sai a karɓe masa.”

Mattiyu 21:43

“Domin haka ina gaya muku, za a karɓe Mulkin Allah daga gare ku, a bai wa wata al'umma wadda za ta ba da amfani nagari.

Mattiyu 13:12

Domin mai abu akan ƙara wa, har ya yalwata. Marar abu kuwa, ko ɗan abin da yake da shi ma, sai an karɓe masa.

Markus 4:25

Domin mai abu akan ƙara wa. Marar abu kuwa, ko ɗan abin da yake da shi ma, sai an karɓe masa.”

W.Yah 2:3

Na sani kana haƙuri, kana kuma jimiri saboda sunana, ba ka kuwa gaji ba.

1 Samaʼila 15:28

Sai Sama'ila ya ce masa, “Yau Ubangiji ya yage sarautar Isra'ila daga gare ka. Ya ba da ita ga maƙwabcinka wanda ya fi ka.

1 Samaʼila 2:30

Ni Ubangiji Allah na Isra'ila, na yi alkawari a dā cewa, ‘Kai da iyalinka da danginka za ku yi mini aikin firist har abada.’ Amma yanzu na ce ba zan yarda da wannan ba. Waɗanda suke girmama ni, zan girmama su. Waɗanda suke raina ni zan ƙasƙantar da su ƙwarai.

W.Yah 3:11

Ina zuwa da wuri. Ka riƙi abin da kake da shi kankan, kada wani ya karɓe maka kambinka.

Luka 16:3

Sai wakilin ya ce a ransa, ‘Ƙaƙa zan yi, da yake maigida zai karɓe wakilci daga hannuna? Ga shi, ba ni da ƙarfin noma, in yi roƙo kuwa, ina jin kunya.

2 Samaʼila 7:15

Amma ba zan daina nuna masa madawwamiyar ƙaunata ba, kamar yadda na yi wa Saul wanda na kawar daga fuskata.

Ayyukan Manzanni 1:20

Domin a rubuce yake a Zabura cewa, “ ‘Gidansa yă zama yasasshe, Kada kowa ya zauna a ciki.’ Da kuma, ‘Matsayinsa wani yă gada.’

Zabura 109:8

Ka aukar masa da ajalinsa nan da nan, Ka sa wani ya ɗauki matsayinsa!

Luka 19:25

Suka ce masa, ‘Ya ubangiji, ai, yana da fam goma.’