Kolossiyawa 4:2 - Littafi Mai Tsarki

² Ku lazamci yin addu'a, kuna zaune a faɗake a kanta sosai, tare da gode wa Allah,

Sabon Rai Don Kowa 2020

² Ku nace da yin addu’a, kuna zaman tsaro da kuma godiya.

Kolossiyawa 4:2 ပူးပေါင်းရင်းမြစ်များ

Filibbiyawa 4:6

Kada ku damu da kome, sai dai a kowane hali ku sanar da Allah bukatunku, ta wurin yin addu'a da roƙo, tare da gode wa Allah.

Afisawa 6:18

a koyaushe kuna addu'a da roƙo ta wurin ikon Ruhu ba fāsawa. A kan wannan manufa ku tsaya da kaifinku da matuƙar naci, kuna yi wa dukan tsarkaka addu'a.

Romawa 12:12

Sa zuciyar nan taku ta sa ku farin ciki, ku jure wa wahala, ku nace wa yin addu'a.

Mattiyu 26:41

Ku zauna a faɗake, ku yi addu'a, kada ku faɗa ga gwaji. Lalle ruhu ya ɗauka, amma jiki rarrauna ne.”

Luka 18:1

Ya kuma ba su wani misali cewa ya kamata kullum su yi addu'a, kada kuma su karai.

Luka 21:36

Koyaushe ku zauna a faɗake, kuna addu'a ku sami ikon tsere wa dukan waɗannan al'amura da za su auku, ku kuma tsaya a gaban Ɗan Mutum.”

Zabura 109:4

Suna ƙina ko da yake ina ƙaunarsu, Har ina yi musu addu'a.

1 Bitrus 4:7

Ƙarshen dukan abubuwa ya gabato. Saboda haka, sai ku kanku, ku natsu, domin ku yi addu'a.

Kolossiyawa 1:9

Shi ya sa tun a ran da muka ji labarin, ba mu fāsa yi muku addu'a ba, muna roƙo a cika ku da sanin nufin Allah da matuƙar hikima da fahimta na ruhu,

Markus 13:33

Ku kula, ku zauna a faɗake, kuna addu'a, domin ba ku san sa'ar da lokacin zai yi ba.

Kolossiyawa 3:17

Kome kuke yi, a game da magana ko aikatawa, ku yi duka da sunan Ubangiji Yesu, kuna gode wa Allah Uba ta wurinsa.

Kolossiyawa 2:7

kuna kafaffu, kuna ginuwa a cikinsa, kuna tsayawa da bangaskiya gaba gaba, daidai yadda aka koya muku, kuna gode wa Allah a koyaushe.

Kolossiyawa 4:12

Abafaras wanda yake ɗaya daga cikinku, bawan Almasihu Yesu, yana gaishe ku, a kullum yana yi muku addu'a da himma, ku dage, kuna cikakku, masu haƙƙaƙewa cikin dukkan nufin Allah.

1 Samaʼila 12:23

Amma ni kaina, Allah ya sawwaƙa in yi wa Ubangiji zunubi ta wurin fasa yin addu'a ga Ubangiji dominku. Zan riƙa koya muku kyawawan abubuwan da suke daidai.

Kolossiyawa 3:15

Salamar Almasihu kuma tă mallaki zuciyarku, domin lalle ga haka aka kira ku in kuna jiki guda, ku kuma kasance masu gode wa Allah.

Ayuba 15:4

Kana karya jama'a, kana hana su jin tsoron Allah, Kana hana su yin addu'a gare shi.

Ayyukan Manzanni 1:14

Duk waɗannan da nufi ɗaya suka nace da addu'a, tare da mata, da Maryamu uwar Yesu, da kuma 'yan'uwansa.

1 Samaʼila 1:12

Eli kuwa ya lura da bakin Hannatu sa'ad da take yin addu'a.