Karin Magana 8:9 - Littafi Mai Tsarki

⁹ Ga mutum mai basira, dukan abu ne a sarari, Ga wanda aka sanar da shi sosai, abu ne a sawwaƙe.

Sabon Rai Don Kowa 2020

⁹ Ga mai tunani dukansu daidai ne; ba su da laifi ga waɗanda suke da sani.

Karin Magana 8:9 ပူးပေါင်းရင်းမြစ်များ

Karin Magana 14:6

Mutum mai fāriya ba zai taɓa zama mai hikima ba sam, amma mutum mai basira yakan koya a sawwaƙe.

Yaƙub 1:5

In waninku ya rasa hikima, sai ya roƙi Allah, mai ba kowa hannu sake, ba tare da gori ba, sai kuwa a ba shi.

Yohanna 7:17

Duk mai son aikata nufin Allah zai san koyarwan nan ko ta Allah ce, ko domin kaina nake faɗa.

Yohanna 6:45

A rubuce yake cikin littattafan annabawa cewa, ‘Dukkansu Allah ne zai koya musu.’ To, duk wanda ya ji, ya kuma koya wurin Uba, zai zo gare ni.

Karin Magana 15:24

Mutum mai hikima yakan kama hanya ya haura zuwa rai, ba ya bin hanyar da ta gangara zuwa mutuwa.

Mika 2:7

Daidai ne a faɗi haka, ya jama'ar Yakubu? ‘Ruhun Ubangiji ya yi rashin haƙuri ne? Waɗannan ayyukansa ne?’ ” “Ashe, maganata ba takan amfana wanda yake tafiya daidai ba?”

Ishaya 35:8

Za a yi babbar karauka a can, Za a kira ta, “Hanyar Tsarki.” Ba mai zunubi da zai taɓa bi ta wannan hanya, Ba wawayen da za su ruɗar da waɗanda suke tafiya can.

Karin Magana 18:15

Mutane masu basira, a ko yaushe suna da himma, a shirye kuma suke domin su koya.

Karin Magana 17:24

Baligi da hikima yake aikinsa, amma wanda bai balaga ba, bai san abin da zai yi ba.

Karin Magana 15:14

Mutum mai basira yana neman ilimi, amma dakikai, jahilcinsu ya wadace su.

Karin Magana 3:13

Mai farin ciki ne mutumin da ya zama mai hikima, ya kuma sami fahimi.