Karin Magana 2:4 - Littafi Mai Tsarki

⁴ Ka nema da iyakar ƙoƙarinka kamar yadda za ka nemi azurfa, ko kowace irin ɓoyayyiyar dukiya.

Sabon Rai Don Kowa 2020

⁴ in ka neme shi yadda ake neman azurfa ka kuma neme shi kamar yadda ake neman ɓoyayyiyar dukiya,

Karin Magana 2:4 ပူးပေါင်းရင်းမြစ်များ

Mattiyu 13:44

“Mulkin Sama kamar dukiya yake da take binne a gona, wadda wani ya samu, ya sāke binnewa. Yana tsaka da murna tasa, sai ya je ya sayar da dukan mallaka tasa, ya sayi gonar.”

Mattiyu 19:29

Kowa ya bar gidaje, ko 'yan'uwa mata, ko 'yan'uwa maza, ko uwa, ko uba, ko 'ya'ya, ko gonaki, saboda sunana, zai sami ninkinsu ɗari, ya kuma gāji rai madawwami.

Karin Magana 16:16

Yana da kyau, ya kuma fi kyau a sami hikima da ilimi fiye da zinariya da azurfa.

Ayuba 3:21

Sun jira mutuwa, amma ta ƙi samuwa, Sun fi son kabari da kowace irin dukiya.

Luka 16:8

Sai maigidan ya yaba wa wakilin nan marar gaskiya saboda wayonsa. Don 'yan zamani a ma'ammalarsu da mutanen zamaninsu, sun fi mutanen haske wayo.

Mai Hadishi 4:8

mutumin da ba shi da kowa, ba ɗa, ba ɗan'uwa, duk da haka a kullum yana ta fama da aiki. Bai taɓa ƙoshi da wadatar da yake da ita ba. Saboda me yana ta fama da aiki, ya hana wa kansa jin daɗi? Wannan ma aikin banza ne, zaman baƙin cikin ne.

Karin Magana 23:23

Gaskiya, da hikima, da ilimi, da hankali, sun cancanta a saye su, kome tamaninsu.

Zabura 119:127

Ina ƙaunar umarnanka, fiye da zinariya, Fiye da zinariya tsantsa.

Zabura 119:72

Dokar da ka yi Muhimmiya ce a gare ni, Fiye da dukan dukiyar duniya.

Zabura 119:14

Ina murna da bin umarnanka, Fiye da samun dukiya mai yawa.

Zabura 19:10

Abin da ake so ne fiye da zinariya, I, fiye da tatacciyar zinariya ma, Sun fi zuma zaƙi, I, fiye da tatacciyar zuma ma.

Karin Magana 2:3

I, ka roƙi ilimi da tsinkaya.

Karin Magana 8:17

Ina ƙaunar waɗanda suke ƙaunata, Dukan wanda yake nemana kuma zai same ni.

Farawa 26:32

Ya zama kuwa a wannan rana, barorin Ishaku suka zo suka faɗa masa zancen rijiyar da suka haƙa, suka ce masa, “Mun sami ruwa.”

Karin Magana 4:7

Samun hikima shi ne mafificin abin da za ka yi. Kome za ka samu dai, ka sami basira.