Karin Magana 13:3 - Littafi Mai Tsarki

³ Ka lura da irin abin da kake faɗa don ka kiyaye ranka. Mutumin da bai kula da maganarsa ba, yakan hallakar da kansa.

Sabon Rai Don Kowa 2020

³ Duk mai lura da leɓunansa yakan lura da ransa, amma duk mai magana da haushi zai kai ga lalaci.

Karin Magana 13:3 ပူးပေါင်းရင်းမြစ်များ

Karin Magana 21:23

Idan ba ka so ka shiga wahala, ka lura da abin da kake faɗa.

Karin Magana 18:21

Abin da ka faɗa ya iya cetonka ko ya hallaka ka, saboda haka tilas ne ka karɓi sakamakon maganarka.

Karin Magana 18:7

Sa'ad da wawa ya yi magana yana lalatar da kansa ne, maganarsa tarko ce, da ita ake kama shi.

Zabura 39:1

Na ce, “Zan yi hankali da abin da nake yi, Don kada harshena yă sa ni zunubi, Ba zan ce kome ba sa'ad da mugaye suke kusa.”

Karin Magana 10:19

Bisa ga yawan surutunka, mai yiwuwa ne ƙwarai ka yi zunubi, amma idan kai mai la'akari ne, sai ka yi shiru.

Karin Magana 20:19

Mai baza jita-jita ba shi da asiri, ka yi nesa da mai yawan surutu.

Yaƙub 1:26

In wani yana zaton shi mai addini ne, amma bai kame bakinsa ba, sai dai ya yaudari kansa, to, addinin mutumin nan na banza ne.

Karin Magana 12:13

Maganganun mugun sukan zamar masa tarko, amma amintacce yakan fid da kansa daga cikin wahala.

Zabura 34:13

To, ku yi nisa da mugun baki, Da faɗar ƙarairayi.

Zabura 141:3

Ya Ubangiji, ka sa a yi tsaron bakina, Ka sa mai tsaro a leɓunana.

Karin Magana 10:14

Mutane masu hikima sukan nemi ilimi iyakar iyawarsu, amma sa'ad da wawa ya yi magana, wahala tana kusa.

Karin Magana 13:4

Rago yakan ƙosa ya sami wani abu ainun, amma sam, ba zai samu ba. Mai mai da hankali ga aikinsa zai sami kowane abu da yake bukata.

Mahukunta 16:11

Ya ce mata, “Idan suka ɗaure ni da sababbin igiyoyi waɗanda ba a yi amfani da su ba, to, zan rasa ƙarfi, in zama kamar kowa.”

Mahukunta 16:17

A ƙarshe ya faɗa mata ainihin gaskiyar, ya ce mata, “Ba a taɓa aske gashin kaina ba, gama ni keɓaɓɓe ga Ubangiji ne tun daga cikin uwata. Idan aka yi mini aski, to, ƙarfina zai rabu da ni, in zama marar ƙarfi kamar kowa.”

Karin Magana 10:8

Mutane masu hankali sukan bi shawarar kirki, masu maganar wauta kuwa za su lalace.

Karin Magana 14:3

Kalmomin mai hikima za su kiyaye shi, amma maganganun wawa za su jawo masa hukunci.