Karin Magana 11:4 - Littafi Mai Tsarki

⁴ Dukiya ba ta da wani amfani a ranar mutuwa, amma adalci zai hana ka mutuwa.

Sabon Rai Don Kowa 2020

⁴ Dukiya ba ta da amfani a ranar fushi, amma adalci kan yi ceto daga mutuwa.

Karin Magana 11:4 ပူးပေါင်းရင်းမြစ်များ

Karin Magana 10:2

Abin da ka samu ta hanyar zamba ba zai yi albarka ba, amma gaskiya za ta cece ka.

Zefaniya 1:18

Azurfarsu da zinariyarsu ba za su cece su A ranar hasalar Ubangiji ba, A cikin zafin kishinsa Dukan duniya za ta hallaka. Zai kawo ƙarshen duniya duka nan da nan.

Farawa 7:1

Sai Ubangiji ya ce wa Nuhu, “Ka shiga jirgin, kai da iyalinka duka, gama na ga a wannan zamani, kai adali ne a gare ni.

Ezekiyel 7:19

Sun watsar da azurfarsu a titi, zinariyarsu kuma ta zama kamar ƙazantacciyar aba. Azurfarsu da zinariyarsu ba za su iya cetonsu ba, a ranar fushin Ubangiji. Ba za su iya ƙosar da su ba, gama su ne sanadin tuntuɓensu.

1 Timoti 4:8

Horon jiki yana da ɗan amfaninsa, amma bin Allah yana da amfani ta kowace hanya, da yake shi ne da alkawarin rai na a yanzu da na nan gaba.

Luka 12:20

Amma Allah ya ce masa, ‘Kai marar azanci! A daren nan za a karɓi ranka. To, kayan da ka tanada, na wa za su zama?’

Mattiyu 16:26

Me mutum ya amfana in ya sami duniya duka a bakin ransa? Me kuma mutum zai iya bayarwa ya fanshi ransa?

Romawa 5:17

In kuwa saboda laifin mutum ɗayan nan ne mutuwa ta yi mallaka ta wurinsa, ashe kuwa, waɗanda suke samun alherin nan mayalwaci, da kuma baiwar nan ta adalcin Allah, sai su yi mallaka fin haka ƙwarai a cikin rai, ta wurin ɗayan nan, wato Yesu Almasihu.

Karin Magana 12:28

Adalci hanyar rai ne, amma wauta hanyar mutuwa ce.

Karin Magana 6:34

Hasalar miji mai kishi babu irinta, ramawarsa ba dama.

Ayuba 20:28

Dukan dukiyarsa za a hallaka ta a rigyawar fushin Allah.

Ishaya 10:3

Me za ku yi sa'ad Allah zai hukunta ku? Me za ku yi kuma sa'ad da ya kawo muku masifa daga wata ƙasa mai nisa? Ina za ku sheƙa neman taimako? A ina kuma za ku ɓoye dukiyarku?

Ezekiyel 14:14

ko da Nuhu, da Daniyel, da Ayuba suna cikinta, rayukansu ne kaɗai za su ceta saboda adalcinsu, ni Ubangiji na faɗa.