Karin Magana 10:4 - Littafi Mai Tsarki

⁴ Ragwanci zai sa talauci, amma yin aiki sosai zai arzuta ka.

Sabon Rai Don Kowa 2020

⁴ Ragwanci kan sa mutum yă zama matalauci, amma aiki tuƙuru kan ba da dukiya.

Karin Magana 10:4 ပူးပေါင်းရင်းမြစ်များ

Karin Magana 21:5

Yin shiri a tsanaki zai kai ka ga biyan bukatarka, idan kuwa ka cika gaggawa ba za ka sami abin da zai ishe ka ba.

Karin Magana 20:4

Manomin da ya cika lalaci, ya kasa nome gonakinsa a kan kari, a lokacin girbi ba zai sami kome ba.

Karin Magana 19:15

Rago, yi ta ragwancinka ka yi ta sharar barci, amma kai za ka sha yunwa.

Karin Magana 13:4

Rago yakan ƙosa ya sami wani abu ainun, amma sam, ba zai samu ba. Mai mai da hankali ga aikinsa zai sami kowane abu da yake bukata.

1 Korintiyawa 15:58

Don haka, ya 'yan'uwana, ƙaunatattu, ku tsaya a kafe, kullum kuna himmantuwa ga aikin Ubangiji, domin kuwa kun san famar da kuke yi saboda Ubangiji ba a banza take ba.

Karin Magana 20:13

Idan barci ne sana'arka za ka talauce. Ka yi ta aiki za ka sami wadataccen abinci.

Karin Magana 19:24

Waɗansu mutane sun cika lalaci, ko abincinsu ba su iya taunawa.

Karin Magana 12:24

Mutum mai mai da hankali ga aikinsa zai sami iko, amma ragwanci zai sa mutum ya zama bawa.

Karin Magana 11:24

Waɗansu mutane sukan kashe kuɗinsu hannu sake, duk da haka arzikinsu sai ƙaruwa yake yi. Waɗansu kuwa saboda yawan tsumulmularsu sukan talauce.

Yohanna 6:27

Kada ku yi wahala a kan neman abinci mai lalacewa, sai dai a kan abinci mai dawwama har ya zuwa rai madawwami, wanda Ɗan Mutum zai ba ku. Domin shi ne wanda Uba, wato Allah, ya tabbatar wa da ikon yin haka.”

Mai Hadishi 10:18

Saboda lalaci ɗaki yakan yi yoyo, sai tsaiko ya lotsa.

Karin Magana 10:5

Mutum mai hankali yakan tattara amfanin gona da kaka, amma abin kunya ne a yi barci a lokacin girbi.

Karin Magana 12:27

Rago ba zai kai ga biyan bukatarsa ba, amma mai ƙwazo zai sami dukiya.

Karin Magana 18:9

Rago yana daidai da mutumin da yake lalatar da abubuwa.

Farawa 26:32

Ya zama kuwa a wannan rana, barorin Ishaku suka zo suka faɗa masa zancen rijiyar da suka haƙa, suka ce masa, “Mun sami ruwa.”