Ishaya 40:18 - Littafi Mai Tsarki

¹⁸ Da wa za a iya kwatanta Allah? Wa zai iya faɗar yadda yake?

Sabon Rai Don Kowa 2020

¹⁸ To, ga wane ne za ka kwatanta Allah? Wace siffa za ka kwatanta shi da ita?

Ishaya 40:18 ပူးပေါင်းရင်းမြစ်များ

Ishaya 46:5

Ubangiji ya ce, “Da wane ne za ku kwatanta ni? Akwai wani mai kama da ni?

1 Samaʼila 2:2

“Babu wani mai tsarki kamar Ubangiji, Babu wani mai kama da shi, Ba mai kiyaye mu kamar Allahnmu.

Fitowa 15:11

“Ya Ubangiji, wane ne kamarka a cikin alloli? Wa yake kamarka a cikin ɗaukaka da tsarki? Mai banrazana cikin mafifitan ayyuka, mai aikata mu'ujizai.

Ayyukan Manzanni 17:29

To, da yake mu zuriyar Allah ne, ai, bai kamata mu tsammaci Allah na kama da wata surar zinariya, ko ta azurfa, ko ta dutse ba, wadda mutum ya ƙago ta dabararsa.

Ishaya 40:25

Da wane ne za a kwatanta Allah Mai Tsarki? Ko akwai wani mai kama da shi?

Irmiya 10:6

Ya Ubangiji, ba wani kamarka, Kai mai girma ne, Sunanka kuma yana da girma da iko.

Zabura 89:6

Ba wani kamarka a Sama, ya Ubangiji, Ba wani daga su cikin talikai da yake daidai da kai.

Ayuba 40:9

Kana da ƙarfi kamar na Allah? Kana iya tsawa da murya kamar tasa?

Mika 7:18

Akwai wani Allah kamarka, mai yafe mugunta, Mai kawar da laifin ringin gādonsa? Ba ya riƙon fushi har abada, gama shi mai alheri ne.

Zabura 89:8

Ya Ubangiji Allah, Mai Runduna, Ba wani mai iko kamarka, Kai mai aminci ne a kowane abu.

Fitowa 9:14

A wannan karo, ni da kaina zan kawo maka, da fādawanka, da jama'arka annoba, domin ka sani babu mai kama da ni a dukan duniya.

Fitowa 8:10

Fir'auna ya ce, “Gobe ne.” Musa kuwa ya ce, “Za a yi kamar yadda ka faɗa, domin ka sani babu wani allah kamar Ubangiji Allahnmu.

M.Sh 33:26

“Babu wani kamar Allahn Yeshurun, Wanda yakan sauko daga Sama don ya cece ka, Wanda ya sauko daga bisa da ɗaukakarsa.

Fitowa 20:4

“Kada ka yi wa kanka wani gunki ko kuwa wata siffa ta wani abu a sama a bisa, ko a duniya a ƙasa, ko kuma a ruwa a ƙarƙarshin ƙasa.

Ishaya 46:9

Ku tuna da abin da ya faru tuntuni, Ku sani, ni kaɗai ne Allah, Ba kuwa wani mai kama da ni.

Zabura 113:5

Ba wani kamar Ubangiji Allahnmu. Yana zaune a can ƙwanƙolin sama,

Ibraniyawa 1:3

Shi ne hasken ɗaukakar Allah, ainihin kamannin zatinsa kuma, shi kuma yana a riƙe da dukan abubuwa ta ikon faɗarsa. Bayan da ya tsarkake zunubanmu, sai ya zauna a dama da Maɗaukaki a can Sama.

Kolossiyawa 1:15

Shi ne surar Allah marar ganuwa, magāji ne tun ba a halicci kome ba,

Irmiya 10:16

Gama shi ba kamar waɗannan yake ba, Shi na Yakubu ne. Shi ne ya yi dukan kome, Kabilan Isra'ilawa gādonsa, Sunansa Ubangiji Mai Runduna.

M.Sh 4:15

“Domin haka, sai ku kula da kanku sosai, gama ba ku ga siffar kome ba sa'ad da Ubangiji Allahnku ya yi magana da ku a Horeb ta tsakiyar wuta.

Zabura 89:7

Ana girmama ka a cikin majalisar talikai, Duk waɗanda suke kewaye da kai suna yin tsoronka ƙwarai.

Ishaya 44:6

Ubangiji, wanda yake mulkin Isra'ila, ya kuma fanshe su, Ubangiji Mai Runduna, yake faɗar wannan, “Ni ne farko, da ƙarshe, Allah Makaɗaici, Ba wani Allah sai ni.

Irmiya 10:1

Ya jama'ar Isra'ila, ku ji jawabin da Ubangiji yake yi muku.