Ishaya 38:12 - Littafi Mai Tsarki

¹² An datse raina, ya ƙare, Kamar alfarwar da aka kwance, Kamar saƙar da aka yanke, Na zaci Allah zai kashe ni.

Sabon Rai Don Kowa 2020

¹² Kamar tentin makiyayi an rushe gidana aka kuma ƙwace ta daga gare ni. Kamar mai saƙa, na nannaɗe rayuwata, ya kuma yanke ni daga sandar saƙa; dare da rana ka kawo ni ga ƙarshe.

Ishaya 38:12 ပူးပေါင်းရင်းမြစ်များ

Ibraniyawa 1:12

Za ka naɗe su kamar mayafi, Za su kuma sauya, Amma kai kana nan ba sākewa, Har abada shekarunka ba za su ƙare ba.”

2 Korintiyawa 5:1

Gama mun sani in an rushe jikinmu na wannan duniya, Allah ya tanadar mana jiki a Sama, wato, wanda shi kansa ya yi, wanda zai dawwama.

Zabura 73:14

Ya Allah, ka sa ina shan wahala dukan yini, Kana horona kowace safiya!

Yaƙub 4:14

Alhali kuwa ba ku san abin da gobe za ta kawo ba. Wane iri ne ranku? Ai, kamar hazo yake, jim kaɗan sai ya ɓace.

2 Korintiyawa 5:4

Sa'ad da muke zaune a cikin jikin nan na duniya, nishi muke domin matsuwar da muke sha, ba domin muna so mu rabu da jikinmu na wannan duniya ba ne, amma don so muke yi a suturta mu da na Sama, domin mai rai ya shafe mai mutuwa.

Ishaya 13:20

Ba wanda zai ƙara zama a cikinta. Ba wani Balaraben da yake yawo da zai kafa alfarwarsa a can. Ba makiyayin da zai taɓa kiwon garkensa a can.

Ishaya 1:8

Urushalima kaɗai ta ragu, birnin da aka kewaye da yaƙi, ba wata kariya kamar rumfar mai ƙumu a gonar inabi, ko ta mai ƙumu a gonar kankana.

Zabura 119:23

Ko da sarakuna za su taru Su shirya mini maƙarƙashiya, Duka da haka, ni bawanka, Zan yi nazarin ka'idodinka.

Zabura 102:11

Raina kamar inuwar maraice yake, Kamar busasshiyar ciyawa nake.

Zabura 31:22

Na ji tsoro, na zaci ka jefar da ni ne daga gabanka. Amma ka ji kukana sa'ad da na yi kira gare ka neman taimako.

Ayuba 17:1

“Ƙarshen raina ya gabato, da ƙyar nake numfashi, Ba abin da ya rage mini sai kabari.

Ayuba 14:2

Sukan yi girma su bushe nan da nan kamar furanni, Sukan shuɗe kamar inuwa.

Ayuba 6:9

Da ma ya ci gaba kawai ya kashe ni, Ko ya sake ikonsa ya datse ni!

Ayuba 4:20

Mai yiwuwa ne mutum yana raye da safe Amma ya mutu ba a sani ba kafin maraice.

Zabura 90:5

Kakan kwashe mutane kamar yadda ambaliyar ruwa take yi, Kamar mafarki suke, ba su daɗewa. Kamar tsire-tsire suke waɗanda suke tsirowa da safe,