Galatiyawa 5:17 - Littafi Mai Tsarki

¹⁷ Don halin mutuntaka gāba yake yi da Ruhu, Ruhu kuma yana gāba da halin mutuntaka. Waɗannan biyu gāba suke yi da juna, har ba kwa iya yin abin da kuke so.

Sabon Rai Don Kowa 2020

¹⁷ Gama mutuntaka yana son abin da Ruhu yake ƙi, Ruhu kuma yana son abin da mutuntaka yake ƙi. Waɗannan biyu kuwa gāba suke da juna, har ku kāsa yin abin da kuke so.

Galatiyawa 5:17 ပူးပေါင်းရင်းမြစ်များ

Romawa 8:13

In kuna zaman halin mutuntaka, za ku mutu ke nan, amma in da ikon Ruhu kuka kashe ayyukan nan na halin mutuntaka, sai ku rayu.

Yohanna 3:6

Abin da mutum ya haifa mutum ne, abin kuma da Ruhu ya haifa ruhu ne.

Mattiyu 26:41

Ku zauna a faɗake, ku yi addu'a, kada ku faɗa ga gwaji. Lalle ruhu ya ɗauka, amma jiki rarrauna ne.”

Zabura 119:20

Zuciyata ta ƙosa saboda marmari, A kowane lokaci ina so in san hukuntanka.

Mai Hadishi 7:20

Ba wani mutum a duniyan nan wanda yake aikata abin da yake daidai dukan lokaci, ba tare da yin kuskure ba.

Zabura 119:32

Ina ɗokin yin biyayya da umarnanka, Gama za ka ƙara mini fahimi.

Yaƙub 3:2

Domin dukanmu muna yin kuskure da yawa. In kuwa mutum ba ya shirme a maganarsa, to, shi cikakken mutum ne, yana kuwa iya kame duk sauran gaɓoɓinsa ma.

Mattiyu 16:23

Amma Yesu ya juya ya ce wa Bitrus, “Ka yi nesa da ni, ya Shaiɗan! Tarko kake a gare ni. Ba ka tattalin al'amuran Allah, sai dai na mutane.”

Luka 22:46

Sai ya ce musu, “Don me kuke barci? Ku tashi, ku yi addu'a, kada ku faɗa ga gwaji.”

Mattiyu 12:30

Wanda ba nawa ba ne, gāba yake da ni. Wanda kuma ba ya taya ni tarawa, watsarwa yake yi.

Galatiyawa 3:21

Wato, Shari'a ta zama saɓanin alkawaran Allah ke nan? A'a, ko kusa! Domin da an ba da wata shari'a mai iya ba da rai, da sai a sami adalcin Allah ta hanyar bin Shari'ar nan.

Luka 22:33

Bitrus ya ce masa, “Ya Ubangiji, a shirye nake in bi ka har cikin kurkuku, ko kuma Lahira.”

Mattiyu 16:17

Yesu ya amsa masa ya ce, “Kai mai albarka ne, Saminu, ɗan Yunusa! Domin ba ɗan adam ne ya bayyana maka wannan ba, sai dai Ubana da yake cikin Sama.

Mattiyu 5:6

“Albarka tā tabbata ga masu kwaɗaita ga adalci, domin za a biya musu muradi.

Ishaya 6:5

Sai na ce, “Sa zuciyata ya ƙare! Na shiga uku! Kowace maganar da ta fito bakina zunubi ce, ina zaune a tsakanin mutane waɗanda duk maganarsu zunubi ce, ba ta da tsarki. Amma yanzu da idona na ga Sarki, Ubangiji Mai Runduna!”

Zabura 130:3

Idan kana yin lissafin zunubanmu, Wa zai kuɓuta daga hukunci?

Zabura 119:176

Ina kai da kawowa kamar ɓatacciyar tunkiya, Ka zo ka neme ni, ni bawanka, Saboda ban ƙi kulawa da dokokinka ba.

Zabura 119:159

Ka dubi yadda nake ƙaunar koyarwarka, ya Ubangiji! Ka cece ni bisa ga madawwamiyar ƙaunarka.

Zabura 119:133

Kada ka bar ni in fāɗi kamar yadda ka alkawarta, Kada ka bar mugunta ta rinjaye ni.

Zabura 119:40

Ina so in yi biyayya da umarnanka, Gama kai mai adalci ne, Ka yi mini alheri!

Zabura 119:35

Ka bishe ni a hanyar umarnanka, Domin a cikinsu nakan sami farin ciki

Zabura 65:3

Zunubanmu sun kāshe mu, Amma za ka gafarta zunubanmu.

Farawa 6:3

Sai Ubangiji ya ce, “Numfashina ba zai zauna cikin mutum har abada ba, gama shi mai mutuwa ne. Nan gaba kwanakinsa ba zai ɗara shekara ɗari da ashirin ba.”