Fitowa 9:32 - Littafi Mai Tsarki

³² Amma alkama da maiwa ba su lalace ba, gama kakarsu ba ta yi ba tukuna.

Sabon Rai Don Kowa 2020

³² Alkama da gero kam, ba a hallaka su ba, gama lokacin nunansu bai yi ba tukuna.)

Fitowa 9:32 ပူးပေါင်းရင်းမြစ်များ

Fitowa 10:22

Sai Musa ya miƙa hannunsa sama, aka kuwa yi duhu baƙi ƙirin har kwana uku a dukan ƙasar Masar.

Fitowa 9:31

Rama da sha'ir suka lalace, gama sha'ir ya riga ya nuna, rama kuwa tana huda.

Fitowa 9:33

Sai Musa ya fita daga wurin Fir'auna ya rabu da birnin. Ya yi addu'a ga Ubangiji sai walƙiya da ƙanƙara suka tsaya, kwararowar ruwa kuma ta ɗauke.

2 Samaʼila 21:9

Sarki kuwa ya bai wa Gibeyonawa su. Sai suka rataye su a kan dutse a gaban Ubangiji. Su bakwai ɗin nan suka hallaka gaba ɗaya. An kashe su a farkon kakar sha'ir.

Ishaya 28:25

Da zarar ya shirya ƙasar yakan shusshuka ganyayen ci, kamar su kanumfari da ɗaɗɗoya, yakan kuma dasa kunyoyin alkama da na sha'ir, a gyaffan gonakin kuwa yakan shuka hatsi.

Ezekiyel 4:9

“Ka kuma ɗauki alkama, da sha'ir, da wake, da waken soya, da gero, da acca, ka haɗa su a kasko ɗaya, ka yi abinci da su. Shi ne za ka ci a kwanakin na ɗari uku da tasa'in da za ka kwanta.

Fitowa 10:5

za ta rufe fuskar ƙasar, har da ba za a iya ganin ƙasa ba. Za ta cinye sauran abin da ya kuɓuta daga ɓarnar ƙanƙara, za su cinye dukan itatuwan da suke girma a ƙasar.

Fitowa 10:12

Ubangiji ya ce wa Musa, “Miƙa hannunka bisa ƙasar Masar domin fara ta zo. Farar kuwa za ta rufe ƙasar Masar, ta cinye duk tsire-tsire da ganyayen da suke cikin ƙasar, da iyakar abin da ƙanƙara ta rage.”