Fitowa 28:4 - Littafi Mai Tsarki

⁴ Waɗannan su ne irin tufafin da za su ɗinka, ƙyallen maƙalawa a ƙirji, da falmaran, da taguwa, da zilaika, da rawani, da abin ɗamara. Za su yi wa ɗan'uwanka, Haruna, da 'ya'yansa tufafi tsarkaka, don su zama firistoci masu yi mini aiki.

Sabon Rai Don Kowa 2020

⁴ Waɗannan su ne tufafin da za su ɗinka, ƙyallen maƙalawa a ƙirji, da efod, da taguwa, da doguwar riga, da rawani, da abin ɗamara. Za su yi wa ɗan’uwanka, Haruna da ’ya’yansa, waɗannan tsarkaka tufafi, don su zama firistoci masu yi mini hidima.

Fitowa 28:4 ပူးပေါင်းရင်းမြစ်များ

W.Yah 9:17

Ga kuwa yadda na ga dawakan a wahayin da aka yi mini, mahayansu suna saye da sulkuna, launinsu ja kamar wuta, da shuɗi, da kuma rawaya kamar farar wuta, kawunan dawakan kuma kamar na zaki, wuta kuma da hayaƙi da farar wuta suna fita daga bakinsu.

Afisawa 6:14

Saboda haka fa ku dage, gaskiya ta zama ɗamararku, adalci ya zama sulkenku,

1 Tessalonikawa 5:8

Amma da yake mu na rana ne, sai mu natsu, muna saye da sulken bangaskiya da ƙauna, muna begen samun ceto, shi ne kuma kwalkwakinmu.

Ishaya 59:17

Ya rufe ƙirjinsa da sulken adalci, da kwalkwalin ceto a kansa. Ya sa rigar ɗaukar fansa, ya yafa alkyabbar ikonsa.

Ishaya 11:5

Zai yi mulkin mutanensa da adalci da mutunci.

2 Samaʼila 6:14

Dawuda ya sa falmaran ta lilin. Ya kuwa yi rawa da dukan ƙarfinsa a gaban Ubangiji.

1 Samaʼila 30:7

Sai ya ce wa Abiyata firist, ɗan Ahimelek, ya kawo masa falmaran. Abiyata kuwa ya kawo masa.

1 Samaʼila 23:6

Lokacin da Abiyata ɗan Ahimelek, ya gudu zuwa wurin Dawuda a Kaila, ya zo da falmaran a hannunsa.

1 Samaʼila 22:18

Sa'an nan sarki ya ce wa Doyeg, “Kai ka fāɗa wa firistocin.” Sai Doyeg, mutumin Edom, ya faɗa wa firistocin, ya kashe mutum tamanin da biyar waɗanda suke saye da falmaran na lilin a wannan rana.

1 Samaʼila 2:18

Yaron nan Sama'ila yana ta aiki gaban Ubangiji, yana sāye da falmaran.

Fitowa 39:28

Suka kuma yi rawani, da huluna, da mukurai da lallausan lilin.

Fitowa 25:7

da onis, da duwatsun da za a mammanne a falmaran da ƙyallen maƙalawa a ƙirji.

Fitowa 29:6

Za ka naɗa masa rawanin, sa'an nan ka ɗora kambi mai tsarki a bisa rawanin.

Hosiya 3:4

Gama mutanen Isra'ila za su zauna kwanaki da yawa ba sarki, ba shugaba, ba sadaka, ba al'amudi, ba falmaran, ba kan gida.