Firistoci 16:34 - Littafi Mai Tsarki

³⁴ Wannan zai zama dawwamammiyar farilla a gare su. Za a riƙa yin kafara domin jama'ar Isra'ila saboda zunubansu duka sau ɗaya a shekara. Sai Musa ya aikata kamar yadda Ubangiji ya umarce shi.

Sabon Rai Don Kowa 2020

³⁴ “Wannan za tă zama dawwammamiyar farilla ce gare ku. Za a riƙa yin kafara sau ɗaya a shekara saboda dukan zunuban Isra’ilawa.” Aka kuma yi haka, yadda Ubangiji ya umarci Musa.

Firistoci 16:34 ပူးပေါင်းရင်းမြစ်များ

Ibraniyawa 9:7

Amma na biyun, sai babban firist kaɗai yake shiga, shi ma kuwa sai sau ɗaya a shekara, sai kuma da jini wanda yakan miƙa saboda kansa, da kuma kurakuran jama'a.

Ibraniyawa 9:25

Ba kuwa domin ya riƙa miƙa kansa hadaya a kai a kai ba ne, kamar yadda babban firist yake shiga Wuri Mafi Tsarki a kowace shekara da jinin da ba nasa ba ne.

Fitowa 30:10

Sau ɗaya a shekara Haruna zai yi kafara a bisa zankayensa. Zai yi kafara a bisansa da jinin hadaya don zunubi ta yin kafara. Za a riƙa yin wannan dukan zamananku, gama bagaden mai tsarki ne ga Ubangiji.”

Ibraniyawa 10:14

Gama ta hadaya guda kawai ya kammala waɗanda aka tsarkake har abada.

Ibraniyawa 10:3

Amma a game da irin waɗannan hadayu, akan tuna da zunubai a kowace shekara,

Ƙidaya 29:7

Za a yi tsattsarkan taro a rana ta goma ga watan bakwai domin yin sujada. Ba za a ci abinci ba, ba kuwa za a yi aiki ba.

Firistoci 23:31

Wannan ka'ida ta shafi dukan zuriyarsu a duk inda suke.

Fitowa 27:21

Za a ajiye ta a cikin alfarwar a gaban labule na wurin shaida. Haruna da 'ya'yansa za su lura da ita daga safiya har maraice. Wannan zai zama ka'ida har abada ga Isra'ilawa.”

Firistoci 17:1

Ubangiji ya umarce Musa,

Firistoci 23:28

Ba za su yi aiki a wannan rana ba, gama rana ce ta yin kafara dominsu.

Fitowa 39:43

Da Musa ya duba dukan aikin, ga shi kuwa, sun yi shi daidai, kamar yadda Ubangiji ya umarta, sai Musa ya sa musu albarka.

Firistoci 3:17

Ba za a ci kitse ko jinin ba a wuraren zamanku. Wannan doka madawwamiya ce.

Firistoci 16:2

Ubangiji kuma ya ce wa Musa, “Faɗa wa ɗan'uwanka Haruna kada ya riƙa shiga Wuri Mafi Tsarki bayan labule ko yaushe, wato, a gaban murfi wanda yake bisa akwatin alkawari, domin kada ya mutu, gama zan bayyana a cikin girgije a kan murfin.

Firistoci 24:23

Sai Musa ya yi magana da Isra'ilawa, suka kuwa fito masa da mutumin da ya yi saɓon a bayan zangon. Suka jajjefe shi da duwatsu. Haka Isra'ilawa suka aikata yadda Ubangiji ya umarci Musa.