Farawa 3:19 - Littafi Mai Tsarki

¹⁹ Za ka yi zuffa da aiki tuƙuru kafin ka sami abinci, har ka koma ƙasa, gama da ita aka siffata ka, kai turɓaya ne, ga turɓaya kuma za ka koma.” (2Tas 3.10; Far 2.7; Zab 90.3; 104.29; M.Had 12.7)

Sabon Rai Don Kowa 2020

¹⁹ Da zuffan goshinka za ka ci abincinka har ka koma ga ƙasa, da yake daga cikinta aka yi ka. Gama kai turɓaya ne, kuma ga turɓaya za ka koma.”

Farawa 3:19 ပူးပေါင်းရင်းမြစ်များ

Mai Hadishi 12:7

sa'an nan turɓaya ta koma ƙasa kamar a dā, ruhu kuma ya koma wurin Allah wanda ya ba da shi.

Ayuba 34:15

Da duk mai rai ya halaka, Mutum kuma ya koma ƙura.

Zabura 104:29

Sa'ad da ka rabu da su sukan tsorata, In ka zare numfashin da ka ba su, sai su mutu, Su koma turɓaya, da ma da ita aka yi su.

Farawa 2:7

Sa'an nan Ubangiji Allah ya siffata mutum daga turɓayar ƙasa, a cikin kafafen hancinsa kuwa ya hura numfashin rai, mutum kuma ya zama rayayyen taliki.

Zabura 90:3

Kakan sa mutane su koma yadda suke, Su zama ƙura.

Afisawa 4:28

Kada ɓarawo ya ƙara yin sata, a maimakon haka sai ya motsa jiki yana aikin gaskiya da hannunsa, har da zai sami abin da zai ba matalauta.

Mai Hadishi 3:20

Dukansu wuri ɗaya za su tafi, gama dukansu biyu daga turɓaya suka fito, dukansu biyu kuma za su koma cikinta.

Farawa 18:27

Ibrahim ya amsa ya ce, “Ga shi, na jawo wa kaina in yi magana da Ubangiji, ni da nake ba kome ba ne, amma turɓaya ne da toka.

Daniyel 12:2

Waɗanda suka rasu za su tashi, waɗansu zuwa rai madawwami, waɗansu kuwa zuwa kunya da madawwamin ƙasƙanci.

Mai Hadishi 1:3

Wace riba ce mutum zai samu daga cikin aikinsa, Da yake yi a duniya?

Zabura 22:15

Maƙogwarona ya bushe kamar ƙura, Harshena kuma na liƙe wa dasashina na sama. Ka bar ni matacce cikin ƙura.

Farawa 23:4

“Ni baƙo ne, ina tsakaninku, ina zaman baƙunci. Ku sayar mini da wurin yin makabarta, domin in binne matata, in daina ganinta!”

2 Tessalonikawa 3:10

Ai, ko dā ma, sa'ad da muke a tare, mun yi muku wannan umarni, cewa duk wanda ya ƙi yin aiki, kada a ba shi abinci.

Zabura 103:14

Ubangiji ya san abin da aka yi mu da shi, Yakan tuna, da ƙura aka yi mu.

1 Tessalonikawa 2:9

Ya ku 'yan'uwa, kuna iya tunawa da wahala da famar da muka sha, har muna aiki dare da rana, don kada mu nauyaya wa kowane ɗayanku, duk sa'ad da muke yi muku bisharar Allah.

Mai Hadishi 5:15

Mukan bar duniyan nan kamar yadda muka shigo ta, ba mu da kome. Dukan ayyukanmu, ba abin da za mu ɗauka mu tafi da shi.

Mai Hadishi 1:13

Na ɗauri aniya in jarraba, in bincika dukan abubuwan da ake yi a duniyan nan. Allah ya ƙaddara mana abu mai wuya.

Karin Magana 21:16

Mutuwa tana jiran wanda ya ƙi bin hanyar hankali.

Zabura 22:29

Masu girmankai duka za su rusuna masa, 'Yan adam duka za su rusuna masa, Dukan waɗanda aka ƙaddara musu mutuwa.

Ayuba 21:26

Amma duk abu guda ne su, mutuwa za su yi, a binne, Tsutsotsi su lulluɓe su duka.

Ayuba 19:26

Ko da yake ciwo ya riga ya cinye fatata, A wannan jiki zan ga Allah.

Ayuba 1:21

ya ce, “Ban shigo duniya da kome ba, ba kuma zan fita cikinta da kome ba. Ubangiji ya bayar, shi ne kuma ya karɓe, yabo ya tabbata ga sunansa.”

1 Korintiyawa 15:47

Mutumin farko daga ƙasa yake, na turɓaya ne. Na biyun kuwa daga Sama yake.

Ibraniyawa 9:27

Tun da yake an ƙaddara wa ɗan adam ya mutu sau ɗaya ne, bayan haka kuma sai shari'a,

Farawa 3:18

“Ƙayayuwa da sarƙaƙƙiya za ta ba ka, za ka kuwa ci ganyayen saurar.

Ayuba 4:19

Ta ƙaƙa zai amince da talikinsa wanda aka yi da ƙasa, Abin da yake na ƙura, ana kuwa iya murƙushe shi kamar asu.

Zabura 104:23

Sa'an nan mutane sukan fita su yi aikinsu, Su yi ta aiki har maraice ya yi.

Zabura 127:2

Ba wani amfani a sha wahalar aiki saboda abinci, A yi asubancin tashi, a yi makarar kwanciya, Gama Ubangiji yakan hutar da waɗanda yake ƙauna.

Farawa 5:5

Haka nan kuwa dukan kwanakin Adamu shekara ce ɗari tara da talatin, ya rasu.

Ayuba 10:9

Ka tuna, ya Allah, kai ka halicce ni, da yumɓu kuwa ka yi ni. Za ka murtsuke ni ne, in kuma koma ƙura?