Ezekiyel 26:9 - Littafi Mai Tsarki

⁹ Zai rushe garunki da dundurusai, ya rushe hasumiyarki da gatura.

Sabon Rai Don Kowa 2020

⁹ Zai rushe katangarki da dundurusai, ya rurrushe hasumiyoyinki da makamai.

Ezekiyel 26:9 ပူးပေါင်းရင်းမြစ်များ

2 Tarihi 26:15

A Urushalima ya yi na'urori waɗanda gwanayen mutane ne suka ƙago don a sa su a hasumiya, da kan kusurwoyi, don a harba kibau, da manyan duwatsu. Da haka sunansa ya bazu ko'ina, gama ya sami taimako mai banmamaki, har ya zama mai ƙarfin gaske.

Ezekiyel 21:22

A hannun damansa, dūbā yana nuna abin da zai sami Urushalima. Zai kafa mata dundurusai, a yi kururuwar yaƙi, a rurrushe ƙofofinta da dundurusai, a gina mahaurai, a kuma gina hasumiyar yaƙi.

Ezekiyel 26:4

Za su hallaka garun Taya, su rurrushe hasumiyarta. Zan ƙan'kare ƙasarta, in maishe ta fā.

Ezekiyel 26:8

Zai kashe ya'yanki mata waɗanda suke a filin ƙasar da takobi. Zai kuma kewaye ki da garun yaƙi, ya gina miki mahaurai, sa'an nan zai rufe ki da garkuwoyi.

Ezekiyel 26:10

Saboda yawan dawakansa, ƙurar da za su tayar za ta rufe ki. Garunki kuma zai girgiza saboda motsin sojojin doki, da na ƙafafu kamar na keke, da na karusai sa'ad da ya shiga ƙofofinki, kamar yadda akan shiga birnin da garunsa ya rushe.