Ayuba 5:2 - Littafi Mai Tsarki

² Ba shi da amfani ka dami kanka Har ka mutu, saboda tsarguwa, gama wannan wawanci ne, Da aikin rashin hankali.

Sabon Rai Don Kowa 2020

² Fushi yana kashe wawa, ƙyashi kuma yana kashe marar azanci.

Ayuba 5:2 ပူးပေါင်းရင်းမြစ်များ

Mai Hadishi 7:9

Ka kame fushinka, Gama wawa ne yake cike da fushi.

Romawa 2:8

Waɗanda suke masu sonkai, da waɗanda suke ƙin bin gaskiya, da masu bin rashin adalci, zai saka musu da fushi da hasala.

Hosiya 7:11

Ifraimu kamar kurciya take, marar wayo, marar hankali, Takan tafi Masar da Assuriya neman taimako.

Karin Magana 12:16

Sa'ad da wawa ya hasala, nan da nan kowa zai sani, amma mai la'akari ba zai nuna ya kula ba.

Zabura 107:17

Waɗansu suka yi ciwo sabili da zunubansu, Suna ta shan wahala saboda muguntarsu.

Zabura 92:6

Ga wani abin da wawa ba zai iya sani ba, Dakiki kuma ba zai iya ganewa ba,

Zabura 75:4

Na faɗa wa masu girmankai kada su yi taƙama, Na kuma faɗa wa mugaye kada su yi fāriya,

Zabura 14:1

Wawaye sukan ce wa kansu, “Ba Allah!” Dukansu sun lalace, sun aikata mugayen al'amura, Ba wanda yake aikata abin da yake daidai.

Ayuba 18:4

Cutar kanka kake yi saboda fushin da kake ji. Duniya za ta ƙare ne sabili da kai? Za a kawar da duwatsu sabili da kai?

Farawa 30:1

Sa'ad da Rahila ta ga ba ta haihuwa, sai ta ji kishin 'yar'uwarta, ta kuma ce wa Yakubu, “Ka ba ni 'ya'ya, in kuwa ba haka ba, zan mutu!”

2 Timoti 3:6

A cikinsu kuwa akwai masu saɗaɗawa su shiga gidajen mutane, suna rinjayar mata marasa wayo, waɗanda zunubi ya sha kansu, muguwar sha'awa iri iri kuma ta ɗauke musu hankali,

Yunana 4:9

Amma Allah ya ce masa, “Daidai ne ka yi fushi saboda 'yar kurangar?” Yunusa ya amsa, “Hakika, daidai ne a gare ni in yi fushi, har ma in yi fushin da ya isa in mutu!”

Karin Magana 8:5

Ba ku balaga ba? To, ku balaga. Ku wawaye ne? Ku koyi hankali.

Karin Magana 27:3

Dutse da yashi suna da nauyi ƙwarai, amma nauyin wahalar da wawa zai haddasa ya fi nasu duka.

Farawa 38:9

Amma Onan ya sani zuriyar ba za ta zama tasa ba, saboda haka duk lokacin da ya shiga wurin matar ɗan'uwansa, sai ya zubar da maniyyi a ƙasa don kada ya ba ɗan'uwansa zuriya.

Karin Magana 19:16

Ka kiyaye umarnai za ka rayu, in ka ƙi binsu kuwa za ka mutu.

Karin Magana 19:19

Idan mutum mai zafin rai ne, ƙyale shi ya sha sakamakonsa. Idan ka fisshe shi daga cikin wahala sau ɗaya, sai ka sāke yi.