Ayuba 38:15 - Littafi Mai Tsarki

¹⁵ Akan hana wa mugaye haske, Sa'ad da sukan ɗaga hannuwansu sama akan kakkarya su.

Sabon Rai Don Kowa 2020

¹⁵ An hana mugaye haskensu, hannun da suka ɗaga an karya shi.

Ayuba 38:15 ပူးပေါင်းရင်းမြစ်များ

Zabura 10:15

Ka karya ikon mugaye, masu mugunta, Ka hukunta su saboda muguntarsu, Har hukuncinsu ya cika sarai.

Zabura 37:17

Gama Ubangiji zai raba mugaye da ƙarfinsu, Amma zai kiyaye mutanen kirki.

Ayuba 18:5

“Za a kashe hasken mugun mutum, Harshen wutarsa ba zai ƙara ci ba.

Karin Magana 4:19

Hanyar mugaye kuwa duhu ne baƙi ƙirin, kamar duhun dare. Sukan fāɗi, amma ba su san abin da ya sa suka yi tuntuɓe ba.

Ezekiyel 30:22

Ubangiji Allah kuma ya ce, “Ina gāba da Fir'auna, Sarkin Masar, zan karya hannuwansa duka biyu, da lafiyayyen da kuma wanda na riga na karya. Zan sa takobinsa ya faɗi daga hannunsa.

Ayuba 18:18

Za a kore shi daga ƙasar masu rai, Za a kore shi daga haske zuwa duhu.

Ayuba 5:14

Da rana sukan yi karo da duhu, Ko da tsakar rana ma lalube suke kamar ana duhu.

Irmiya 13:16

Ku girmama Ubangiji Allahnku, Kafin ya kawo duhu, Kafin kuma ƙafafunku su yi tuntuɓe a kan dutse, da duhu duhu, Sa'ad da kuke neman haske, sai ya maishe shi duhu, Ya maishe shi duhu baƙi ƙirin.

2 Sarakuna 6:18

Da Suriyawa suka gangaro wurinsa, sai Elisha ya yi addu'a ga Ubangiji, ya ce, “Ina roƙonka, ka bugi mutanen nan da makanta.” Ubangiji kuwa ya buge su da makanta bisa ga addu'ar Elisha.

Ƙidaya 15:30

Amma mutumin da ya yi laifi da gangan, ko shi ɗan ƙasa ne, ko kuma baƙo ne, ya sāɓi Ubangiji, sai a kashe shi,

Ayuba 5:15

Amma Allah yakan ceci matalauta daga mutuwa, Yakan kuma ceci masu bukata daga zalunci.

Ayuba 31:22

To, ka sa kafaɗuna su ɓaɓɓalle daga inda suke. Ka kakkarya gwiwoyin hannuna.

Ayuba 38:14

Yakan sāke kamar lakar da take ƙarƙashin hatimi, Yakan rine kamar riga.

Ayuba 24:13

“Akwai mugaye waɗanda suke ƙin haske, Ba su fahimce shi ba, suka ƙi bin hanyarsa.