Ayuba 34:21 - Littafi Mai Tsarki

²¹ “Gama yana ganin al'amuran mutum, Yana kuma ganin dukan manufarsa.

Sabon Rai Don Kowa 2020

²¹ “Idanunsa suna kan al’amuran mutane; yana ganin tafiyarsu duka.

Ayuba 34:21 ပူးပေါင်းရင်းမြစ်များ

Karin Magana 15:3

Ubangiji yana ganin abin da yake faruwa a ko'ina, yana lura da mu, ko muna aikata alheri ko mugunta.

Ayuba 31:4

Allah ya san dukan abin da nake yi, Yana ƙididdige dukan takawata.

Irmiya 16:17

Gama ina ganin dukan ayyukansu, ba a ɓoye suke a gare ni ba, muguntarsu kuma ba a ɓoye take a gare ni ba.

Karin Magana 5:21

Ubangiji yana ganin dukan abin da kake yi. Inda ka shiga duk yana kallonka.

Irmiya 32:19

Kai babban mashawarci ne, mai aikata manyan ayyukanka. Kana ganin dukan ayyukan 'yan adam. Kakan sāka wa kowa bisa ga halinsa da ayyukansa.

Zabura 139:23

Jarraba ni, ya Allah, ka san tunanina, Gwada ni, ka gane damuwata.

Farawa 16:13

Sai ta kira sunan Ubangiji wanda ya yi magana da ita, “Kai Allah ne mai gani,” gama ta ce, “Ni! Har na iya ganin Allah in rayu?”

Irmiya 17:10

Ni Ubangiji nakan bincike tunani, In gwada zuciya, Domin in sāka wa kowane mutum gwargwadon al'amuransa, Da kuma gwargwadon ayyukansa.

Zabura 34:15

Ubangiji yana lura da adalai, Yana kasa kunne ga koke-kokensu,

2 Tarihi 16:9

Idon Ubangiji fa, yana kai da komowa ko'ina a duniya don ya nuna ikonsa ga dukan waɗanda suka dogara gare shi da zuciya ɗaya. Ka yi wauta a cikin wannan al'amari. Tun daga yanzu har zuwa nan gaba za ka yi ta fama da yaƙoƙi.”

Amos 9:8

Ina dai kallon mulkin nan mai zunubi. Zan hallaka su daga duniya, Amma ba zan hallaka dukan jama'ar Yakubu ba.

Ayuba 10:4

Yadda mutane suke duban abu, haka kake duba?

Ayuba 11:11

Allah ya san irin mutanen da ba su da amfani, Domin yana ganin dukan mugayen ayyukansu.

Ayuba 13:16

Mai yiwuwa ne ƙarfin halina ya cece ni, Tun da yake ba wani mugun mutumin da zai iya zuwa gaban Allah.

Ayuba 14:16

Sa'an nan za ka lura da kowace takawata Amma ba za ka bi diddigin zunubaina ba.

Ayuba 24:23

Ya yiwu Allah ya bar shi ya yi zamansa lafiya, Amma a kowane lokaci zai sa ido a kansa.

Zabura 33:15

Shi ya siffata tunaninsu, yana sane da dukan abin da suke yi.

Irmiya 23:24

“Mutum ya iya ɓoye kansa a wani lungu Inda ba zan iya ganinsa ba?” In ji Ubangiji. “Ashe, ban cika sammai da duniya ba?