Ayuba 34:20 - Littafi Mai Tsarki

²⁰ Sukan mutu nan da nan, Da tsakar dare manya da ƙanana sukan shuɗe farat ɗaya, An kawar da su ba da hannun mutum ba.

Sabon Rai Don Kowa 2020

²⁰ Suna mutuwa nan take, a cikin tsakiyar dare; an girgiza mutanen amma sun wuce; an taɓa manya amma ba da hannun mutum ba.

Ayuba 34:20 ပူးပေါင်းရင်းမြစ်များ

2 Bitrus 2:3

Mahaɗantan malaman nan na ƙarya za su ribace ku da tsararrun labarunsu. An riga an yanke hukuncinsu tun dā, wanda zai hallaka su a shirye yake sosai.

1 Tessalonikawa 5:2

Domin ku da kanku kun sani sarai, ranar Ubangiji za ta zo ne kamar ɓarawo da dare.

Ayyukan Manzanni 12:23

Nan take sai mala'ikan Ubangiji ya buge shi don bai ɗaukaka Allah ba. Sai tsutsotsi suka yi ta cinsa har ya mutu.

Luka 12:20

Amma Allah ya ce masa, ‘Kai marar azanci! A daren nan za a karɓi ranka. To, kayan da ka tanada, na wa za su zama?’

Daniyel 5:30

A wannan dare kuwa aka kashe Belshazzar Sarkin Kaldiyawa.

Daniyel 2:34

Sa'ad da kake cikin dubawa, sai aka gutsuro wani dutse ba da hannun mutum ba, aka bugi ƙafafunsa na baƙin ƙarfe gauraye da yumɓu, aka ragargaza shi.

Ishaya 37:38

Wata rana ya je yana sujada a gidan gunkinsa Nisrok, sai biyu daga cikin 'ya'yansa, Adrammelek da Sharezer, suka kashe shi da takubansu, sa'an nan suka tsere zuwa ƙasar Ararat. Wani daga cikin sauran 'ya'yansa, wato Esar-haddon, ya gāje shi ya zama sarki.

Ishaya 37:36

Mala'ikan Ubangiji kuwa ya shiga sansanin Assuriyawa ya kashe sojoji dubu ɗari da dubu tamanin da dubu biyar (185,000). Da asuba ta yi, sai ga su can kwankwance, duk sun mutu!

Ishaya 30:13

Kun yi laifi. Kuna kamar bango wanda ya tsage daga bisa har ƙasa. Za ku fāɗi ba zato ba tsammani.

Zabura 73:19

Cikin ƙyaftawar ido aka hallaka su, Suka yi mummunan ƙarshe!

Ayuba 36:20

Kada ka ƙosa dare ya yi, Domin a lokacin nan ne mutane sukan watse, Kowa ya kama gabansa.

Ayuba 12:19

Yakan ƙasƙantar da firistoci da mutane masu iko.

1 Samaʼila 26:10

Hakika Ubangiji zai buge shi, ko ajalinsa ya auka, ko kuwa ya hallaka a wurin yaƙi.

Mattiyu 25:6

Can tsakar dare sai aka ji kira, ana cewa, ‘Ga ango nan! Ku fito ku tarye shi!’

Zakariya 4:6

Sa'an nan ya ce, “Wannan ita ce maganar Ubangiji zuwa ga Zarubabel cewa, ‘Ba da ƙarfi, ko iko ba, amma da Ruhuna,’ in ji Ubangiji Mai Runduna.

Ayuba 27:20

Razana za ta auka musu kamar rigyawa. Da dare iska za ta tafi da su.

Ayuba 34:25

Saboda sanin ayyukansu, Yakan kaɓantar da su da dare ya ragargaza su,

Daniyel 8:25

Ta wurin mugun wayonsa zai sa cin hanci ya haɓaka. Zai ɗaukaka kansa a ransa. Zai hallaka mutane da yawa, ba zato ba tsammani, har ma zai tasar wa Sarkin sarakuna, amma za a hallaka shi ba ta hannun mutum ba.

Ishaya 40:23

Yakan kawo masu mulki masu iko ƙwarai, Ya kuwa mai da su ba kome ba ne,