Ayuba 29:12 - Littafi Mai Tsarki

¹² Domin sa'ad da matalauta suka yi kuka, ni nake cetonsu, Nakan taimaki marayu waɗanda ba su da mai taimako.

Sabon Rai Don Kowa 2020

¹² domin na ceci matalauta waɗanda suka nemi taimako, da marasa mahaifi waɗanda ba su da wanda zai taimake su.

Ayuba 29:12 ပူးပေါင်းရင်းမြစ်များ

Zabura 72:12

Yakan ceci matalauta waɗanda suka yi kira gare shi, Da waɗanda suke da bukata, Da waɗanda ba a kula da su.

Karin Magana 21:13

Idan ka ƙi jin kukan matalauci, naka kukan da kake yi na neman taimako, ba za a ji ba.

Yaƙub 1:27

Addini sahihi kuma marar aibu a gaban Allah Ubanmu, shi ne a kula da gwauraye mata, da marayu a cikin ƙuntatarsu, a kuma a keɓe kai marar aibi daga duniya.

Zabura 68:5

Allah, wanda yake zaune a tsattsarkan Haikalinsa, Yana lura da marayu, yana kuwa kiyaye gwauraye, Wato matan da mazansu suka mutu.

M.Sh 10:18

Yakan yi wa marayu da gwauraye na gaske shari'a da adalci. Yana ƙaunar baƙo, yakan ba shi abinci da sutura.

Irmiya 22:16

Ya biya wa matalauta da masu bukata hakkinsu, Ya kuwa yi kyau. Abin da ake nufi da sanina ke nan, In ji Ubangiji.

Ayuba 31:21

Ko na ɗaga hannuna don in cuci maraya, Don na ga ina da kafar kuɓuta,

Ayuba 31:17

Ko kuwa in bar marayu da yunwa sa'ad da nake cin abincina,

Ayuba 24:4

Sukan hana matalauta samun halaliyarsu, Sukan tilasta wa masu bukata su gudu su ɓuya.

Ayuba 24:9

“Mugaye sukan bautar da yara marayu, Sukan kama 'ya'ya matalauta a bakin bashin da suke bi.

Ayuba 34:28

Suka sa matalauta su yi kuka ga Allah, Ya kuwa ji kukan waɗanda ake tsananta wa.

Zabura 88:4

Ina daidai da sauran mutanen da suke gab da mutuwa, Dukan ƙarfina ya ƙare.

Karin Magana 31:8

“Ka yi magana domin bebaye, domin kuma hakkin dukan waɗanda ba su da wani mataimaki.(1Sam 19.4; Ayu 29.12-17)

Ayuba 30:25

Ashe, ban yi kuka saboda wanda yake shan wahala ba? Ashe, ban yi ɓacin rai saboda matalauta ba?

Ayuba 31:18

Tun suna yara nake goyonsu, Ina lura da su kamar 'ya'yan cikina.