Ayuba 27:13 - Littafi Mai Tsarki

¹³ “Wannan shi ne rabon mugaye daga wurin Allah, Gādo ne kuma wanda azzalumai za su karɓa daga wurin Mai Iko Dukka.

Sabon Rai Don Kowa 2020

¹³ “Ga abin da mugaye za su samu gādon da azzalumi zai samu daga Maɗaukaki.

Ayuba 27:13 ပူးပေါင်းရင်းမြစ်များ

Ishaya 3:11

Amma mugaye sun shiga uku, za a sāka musu bisa ga abin da suka aikata.

2 Bitrus 2:9

ashe kuwa, Ubangiji ya san yadda zai kuɓutar da masu tsoronsa daga gwaje-gwaje, ya kuma tsare marasa adalci a kan jiran hukunci, har ya zuwa ranar shari'a,

Malaki 3:5

Ubangiji Mai Runduna ya ce, “Zan zo wurinku domin in yi shari'a. Nan da nan zan tabbatar da laifin masu yin sihiri, da na mazinata, da na masu shaidar zur, da na masu zaluntar ma'aikata a kan albashinsu, da waɗanda suke ƙwarar gwauraye, wato matan da mazansu suka mutu, da marayu, da baƙi, da waɗanda ba su ganin girmana.”

Mai Hadishi 8:13

Ga mugaye ba zai tafi daidai ba, kamar inuwa ransu yake. Za su yi mutuwar ƙuruciya domin ba su da tsoron Allah.

Zabura 12:5

Ubangiji ya ce, “Amma zan zo yanzu, Domin ana zaluntar masu bukata, Waɗanda aka tsananta musu kuma, suna nishi don zafi. Zan ba su zaman lafiya da suke nema!”

Zabura 11:6

Yakan aukar da garwashin wuta Da kibritu mai cin wuta a kan mugaye, Yakan hukunta su da harshen wuta mai ƙuna.

Ayuba 31:3

Yakan aika da masifa da lalacewa Ga waɗanda suke aikata abin da ba daidai ba.

Ayuba 27:12

Ga shi kuwa, dukanku kun gani da kanku, Me ya sa kuka zama wawaye?

Ayuba 31:2

Wane rabo zan samu daga wurin Allah a Sama? Wane gādo kuma zan samu daga wurin Mai Iko Dukka a can samaniya?