Ayuba 21:25 - Littafi Mai Tsarki

²⁵ Waɗansu kuwa ba su taɓa sanin farin ciki ba. Sukan yi dukan kwanakinsu su mutu da baƙin ciki.

Sabon Rai Don Kowa 2020

²⁵ Wani kuma zai mutu cikin ɗacin rai, bai taɓa jin daɗin wani abu mai kyau ba.

Ayuba 21:25 ပူးပေါင်းရင်းမြစ်များ

Ayuba 7:11

A'a, ko kaɗan ba zan yi shiru ba! Haushi nake ji, zuciyata ta ɓaci, Dole ne in yi magana.

Ezekiyel 12:18

“Ɗan mutum, ka ci abincinka da rawar jiki, ka sha ruwanka da makyarkyata da damuwa.

Mai Hadishi 6:2

Allah yakan ba wani mutum dukiya, da daraja, da wadata, i, da kowane abu da yake bukata. Amma bai ba shi iko ya more su ba. A maimakonsa wani baƙo ne zai more su. Wannan aikin banza ne ba kuwa daidai ba ne.

Karin Magana 14:10

Ɓacin ranka naka ne, murnarka kuwa ba za ka raba da wani ba.

Ayuba 20:23

Bari ya ci duk irin abin da yake so! Allah zai hukunta shi da hasala da fushi.

Ayuba 10:1

“Na gaji da rayuwa, Ku ji ina fama da baƙin ciki.

Ayuba 9:18

Ya hana ni in ko shaƙata, Ina jin haushin dukan abin da yake yi mini.

Ayuba 3:20

“Me ya sa ake barin mutane su yi ta zama cikin damuwa? Me ya sa ake ba da haske ga waɗanda suke baƙin ciki?

1 Sarakuna 17:12

Ta ce, “Na rantse da Ubangiji Allahnka, ba ni da abinci, sai dai ɗan farin da ya ragu a tukunya, da ɗan man da yake cikin kurtu. Ga shi, ina tattara itacen don in je in shirya shi domin ni da ɗana, mu ci. Shi ke nan, ba sauran wani abu kuma, sai mutuwa.”

2 Samaʼila 17:8

Hushai ya ci gaba da cewa, “Ka san tsohonka da jama'arsa jarumawa ne, yanzu a husace suke kamar damisar da aka kwashe wa 'ya'ya a jeji. Tsohonka kuma ya ƙware da sha'anin yaƙi, ba tare da mutanensa zai kwana ba.

Ayuba 21:24

Jikunansu kuwa sun yi ɓulɓul.

Ayuba 21:26

Amma duk abu guda ne su, mutuwa za su yi, a binne, Tsutsotsi su lulluɓe su duka.