Ayuba 16:4 - Littafi Mai Tsarki

⁴ In da a ce a matsayina kake, ni kuma ina a naka, Ina iya faɗar duk abin da kake faɗa yanzu. Da sai in kaɗa kaina da hikima, In dulmuyar da kai a cikin rigyawar maganganu.

Sabon Rai Don Kowa 2020

⁴ Ni ma zan iya yin maganganu kamar yadda kuke yi in da kuna cikin halin da nake; zan iya faɗar duk abubuwan da kuke faɗi, in kaɗa muku kaina.

Ayuba 16:4 ပူးပေါင်းရင်းမြစ်များ

Zabura 109:25

Sa'ad da mutane suka gan ni sun yi mini ba'a, Suna kaɗa kai saboda raini.

Zabura 22:7

Duk wanda ya gan ni Sai yă maishe ni abin dariya, Suna zunɗena da harshensu suna kaɗa kai.

Makoki 2:15

Dukan masu wucewa suna yin miki tafin raini. Suna yi wa Urushalima tsāki, Suna kaɗa mata kai, suna cewa, “Ai, Urushalima ke nan, Birnin nan da ake cewa mai cikakken jamali, Wanda ya ƙayatar da dukan duniya?”

Irmiya 18:16

Sun mai da ƙasarsu abar banƙyama, Abin raini har abada. Duk wanda ya wuce ta wurin zai razana ya kaɗa kansa.

2 Sarakuna 19:21

Ubangiji ya ce, “Birnin Urushalima ya yi maka dariya, kai Sennakerib, yana yi maka ba'a.

1 Korintiyawa 12:26

Ta haka, in wata gaɓa ta ji ciwo, duk sai su ji ciwo tare, in kuwa an yabi wata, duk sai su yi farin ciki tare.

Romawa 12:15

Ku taya masu farin ciki farin ciki, masu kuka kuwa ku taya su kuka.

Mattiyu 7:12

Saboda haka duk abin da kuke so mutane su yi muku, ku ma sai ku yi musu, domin wannan shi ne Attaura da koyarwar annabawa.”

Zefaniya 2:15

Wannan shi ne birnin da yake da harka, mai zaman lafiya, Wanda yake ce wa kansa, “Ba wani sai ni.” Ga shi, ya zama kufai, Wurin zaman dabbobi! Duk wanda ya wuce ta wurin, Zai yi tsaki, ya kaɗa kai.

Mai Hadishi 10:14

Wawa ya cika yawan surutu. Wa ya san abin da zai faru nan gaba? Wa zai iya faɗa masa abin da zai faru bayan rasuwarsa?

Karin Magana 10:19

Bisa ga yawan surutunka, mai yiwuwa ne ƙwarai ka yi zunubi, amma idan kai mai la'akari ne, sai ka yi shiru.

Zabura 44:14

Ka maishe mu abin raini a wurin arna, Suna kaɗa mana kai, suna raina mu.

Ayuba 35:16

Ayuba, maganarka marar ma'ana ce, Ka yi ta maganganu marasa hikima.”

Ayuba 11:2

“Ba wanda zai amsa dukan wannan surutu? Yawan magana yakan sa mutum ya zama daidai?

Ayuba 6:14

“A cikin irin wannan wahala Ina bukatar amintattun abokai, Ko da na rabu da Allah, ko ina tare da shi.

Ayuba 16:5

Da sai in ba ka shawara ta ƙarfafawa, In yi ta yi maka maganar ta'azantarwa.

Ishaya 37:22

Ubangiji ya ce, “Birnin Urushalima yana yi maka dariya, kai Sennakerib, yana kuma yi maka ba'a.

Irmiya 48:27

Kin yi wa mutanen Isra'ila dariya. A kowane lokacin da kika ambaci sunansu, sai ki taɗa kanki da raini kamar an kama su tare da ɓarayi.

Zabura 22:8

Suka ce, “Ka dogara ga Ubangiji, Me ya sa bai cece ka ba? Idan Ubangiji na sonka, Don me bai taimake ka ba?”