Ayuba 12:22 - Littafi Mai Tsarki

²² Yakan aika da haske a wuraren da suke da duhu kamar mutuwa.

Sabon Rai Don Kowa 2020

²² Yana buɗe abubuwan da suke cikin duhu yă kuma kawo haske a wuraren da ba haske;

Ayuba 12:22 ပူးပေါင်းရင်းမြစ်များ

Daniyel 2:22

Yana bayyana zurfafan abubuwa masu wuyar ganewa, Ya san abin da yake cikin duhu. Haske kuma yana zaune tare da shi.

1 Korintiyawa 4:5

Don haka, kada ku yanke wani hukunci tun lokaci bai yi ba, kafin komowar Ubangiji, wanda zai tone al'amuran da suke ɓoye a duhu, ya kuma bayyana nufin zukata. A sa'an nan ne, Allah zai yaɓa wa kowa daidai gwargwado.

1 Korintiyawa 2:10

mu ne Allah ya bayyana wa, ta wurin Ruhu, domin Ruhu shi yake fayyace kome, har ma zurfafan al'amuran Allah.

Ayuba 3:5

Ka sa ta zama ranar duhu baƙi ƙirin. Ka rufe ta da gizagizai, kada hasken rana ya haskaka ta.

Luka 1:79

Domin yă haskaka na zaune cikin duhu, Da waɗanda suke zaune a bakin mutuwa, Domin ya bishe mu a hanyar salama.”

Amos 5:8

Ubangiji ne ya yi taurarin Kaza da 'ya'yanta Da mai farauta da kare. Ya mai da duhu haske, Rana kuwa dare. Shi ya kirawo ruwan teku ya bayyana, Ya shimfiɗa shi a bisa ƙasa. Sunansa Ubangiji ne.

Mattiyu 10:26

“Don haka kada ku ji tsoronsu, domin ba abin da yake a rufe da ba zai tonu ba, ko kuwa abin da yake ɓoye da ba za a bayyana ba.

Ayuba 34:22

Ba wani duhu, ko duhu baƙi ƙirin Inda masu aikata mugunta za su ɓuya.

Zabura 139:12

Amma har duhun ma, ba duhu ba ne a gare ka, Dare kuwa haskensa kamar na rana ne. Duhu da haske, duk ɗaya ne gare ka.

Zabura 44:21

Hakika ka gane, Domin ka san asirin tunanin mutane.

Ayuba 24:17

Gama tsananin duhu kamar safiya yake gare su, Sun saba da razanar duhu.

Ayuba 11:6

Da ya faɗa maka hikima tana da fannoni da yawa. Akwai abubuwa waɗanda suka fi ƙarfin ganewar ɗan adam. Duba, Allah ya ƙyale wani ɓangare na laifinka.

2 Sarakuna 6:12

Ɗaya daga cikin fādawan ya ce, “A'a, ranka ya daɗe, sarki, ai, annabi Elisha ne wanda yake cikin Isra'ila, yake faɗa wa Sarkin Isra'ila maganar da kake faɗa a ɗakin kwananka.”

Zabura 139:11

Da na iya roƙon duhu ya ɓoye ni, Ko haske da yake kewaye da ni Ya zama dare,