Ayuba 10:9 - Littafi Mai Tsarki

⁹ Ka tuna, ya Allah, kai ka halicce ni, da yumɓu kuwa ka yi ni. Za ka murtsuke ni ne, in kuma koma ƙura?

Sabon Rai Don Kowa 2020

⁹ Ka tuna cewa ka mulmula ni kamar yumɓu. Yanzu za ka mai da ni in zama ƙura kuma?

Ayuba 10:9 ပူးပေါင်းရင်းမြစ်များ

Farawa 2:7

Sa'an nan Ubangiji Allah ya siffata mutum daga turɓayar ƙasa, a cikin kafafen hancinsa kuwa ya hura numfashin rai, mutum kuma ya zama rayayyen taliki.

Ishaya 64:8

Amma kai ne Ubanmu, ya Ubangiji. Mu kamar yumɓu ne, kai kuwa kamar maginin tukwane. Kai ka halicce mu,

Farawa 3:19

Za ka yi zuffa da aiki tuƙuru kafin ka sami abinci, har ka koma ƙasa, gama da ita aka siffata ka, kai turɓaya ne, ga turɓaya kuma za ka koma.” (2Tas 3.10; Far 2.7; Zab 90.3; 104.29; M.Had 12.7)

Mai Hadishi 12:7

sa'an nan turɓaya ta koma ƙasa kamar a dā, ruhu kuma ya koma wurin Allah wanda ya ba da shi.

Irmiya 18:6

“Ya jama'ar Isra'ila, ashe, ba zan yi da ku kamar yadda maginin tukwanen nan ya yi ba? Duba, kamar yadda yumɓu yake a hannun maginin tukwane, haka kuke a hannuna, ya ku jama'ar Isra'ila.

Romawa 9:21

Ashe, maginin tukwane ba ya iko da yumɓu, ya gina wata domin aiki mai martaba, wata kuma don kasasshen aiki, duk daga curi ɗaya?

Ishaya 45:9

Ko tukunyar yumɓu tana iya gardama da magininta, Tukunyar da take daidai da sauran tukwane? Ko yumɓu ya iya tambayar abin da maginin yake yi? Ko tukunya tana iya gunaguni a kan magininta?

Zabura 106:4

Ka tuna da ni sa'ad da za ka taimaki jama'arka, ya Ubangiji! Ka sa ni cikinsu, sa'ad da za ka cece su.

Zabura 90:3

Kakan sa mutane su koma yadda suke, Su zama ƙura.

Zabura 89:47

Ka tuna kwanakin mutum kaɗan ne, ya Ubangiji, Ka tuna yadda ka halicci mutane duka masu mutuwa ne!

Zabura 25:18

Ka kula da wahalata da azabata, Ka gafarta dukan zunubaina.

Zabura 22:15

Maƙogwarona ya bushe kamar ƙura, Harshena kuma na liƙe wa dasashina na sama. Ka bar ni matacce cikin ƙura.

Ayuba 17:14

Zan ce kabari shi ne mahaifina, Tsutsotsin da suke cinye ni su ne mahaifiyata, da 'yan'uwana mata.

Ayuba 7:7

“Ka tuna, ya Ubangiji, raina iska ne kawai, Farin cikina ya riga ya ƙare.

2 Korintiyawa 4:7

Wannan wadata da muke da ita kuwa, a cikin kasake take, wato, jikunanmu, don a nuna mafificin ikon nan na Allah ne, ba namu ba.

Ayuba 4:19

Ta ƙaƙa zai amince da talikinsa wanda aka yi da ƙasa, Abin da yake na ƙura, ana kuwa iya murƙushe shi kamar asu.

Ayuba 7:21

Ba za ka iya gafarta mini zunubina ba? Ba za ka kawar da kai ga muguntar da na aikata ba? Ba da daɗewa ba zan rasu in koma a ƙura, Lokacin da ka neme ni ba za ka same ni ba.”

Ayuba 10:10

Kai ne ka ba mahaifina ƙarfin da zai haife ni, Kai ne ka sa na yi girma a cikin cikin mahaifiyata.

Ayuba 33:6

Duba, ni da kai ɗaya muke a wajen Allah, Dukanmu biyu kuma daga yumɓu aka siffata mu.

Ayuba 34:15

Da duk mai rai ya halaka, Mutum kuma ya koma ƙura.

Zabura 78:39

Yakan tuna su mutane ne kawai, Kamar iskar da take hurawa ta wuce.

Zabura 104:29

Sa'ad da ka rabu da su sukan tsorata, In ka zare numfashin da ka ba su, sai su mutu, Su koma turɓaya, da ma da ita aka yi su.

Zabura 103:14

Ubangiji ya san abin da aka yi mu da shi, Yakan tuna, da ƙura aka yi mu.

Ishaya 64:7

Ba wanda ya juyo gare ka ya yi addu'a, ba wanda ya je gare ka neman taimako. Ka ɓuya mana, ka kuwa yashe mu saboda zunubanmu.