Ayuba 10:3 - Littafi Mai Tsarki

³ Daidai ne a gare ka ka yi mugunta? Ka wulakanta abin da kai da kanka ka yi? Sa'an nan ka yi murmushi saboda dabarun mugaye?

Sabon Rai Don Kowa 2020

³ Kana jin daɗin ba ni wahala, don me ka yashe ni, abin da ka halitta da hannunka, yayinda kake murmushi game da shirye-shiryen mugaye?

Ayuba 10:3 ပူးပေါင်းရင်းမြစ်များ

Ishaya 64:8

Amma kai ne Ubanmu, ya Ubangiji. Mu kamar yumɓu ne, kai kuwa kamar maginin tukwane. Kai ka halicce mu,

Zabura 138:8

Za ka aikata kowane abu da ka alkawarta mini, Ya Ubangiji, ƙaunarka madawwamiya ce har abada. Ka cikasa aikin da ka fara.

Ayuba 14:15

Sa'an nan za ka yi kira, ni kuwa zan amsa, Za ka yi murna da ni, ni talikinka.

1 Bitrus 4:19

Saboda haka, sai duk masu shan wuya bisa ga nufin Allah su danƙa ransu ga Mahalicci mai aminci suna aikata abin da yake daidai.

Zabura 69:33

Ubangiji yana kasa kunne ga masu bukata, Bai manta da jama'arsa da suke a kurkuku ba.

Ayuba 40:8

Kai kanka za ka sa mini laifi? Za ka kā da ni don kai ka barata?

Ayuba 40:2

“Mai neman sa wa wani laifi ya jā da Mai Iko Dukka? Wanda yake gardama da Allah, bari ya ba da amsa.”

Ayuba 22:18

Ko da yake Allah ne ya arzuta su. Ba na iya gane tunanin mugaye.

Ayuba 21:16

Sukan ce ta wurin ƙarfinsu ne suka yi nasara, Amma ban yarda da irin tunaninsu ba.

Ayuba 9:24

Allah ya ba da duniya ga mugaye, Ya makantar da dukan alƙalai, Idan ba Allah ne ya yi haka nan ba, to, wa ya yi?

Ayuba 9:22

Don haka ban damu da kome ba. Da marar laifin da mai laifin duk, Allah zai hallaka mu.

Ayuba 8:20

“Amma daɗai Allah ba zai rabu da amintattu ba, Ba kuwa zai taɓa taimakon mugun mutum ba.

Ayuba 10:8

“Da ikonka ne ka yi ni, ka siffata ni, Yanzu kuma da ikon nan naka ne za ka hallaka ni.

Ayuba 16:11

Allah ya bashe ni ga mugaye.

Ayuba 19:6

Ba ku iya ganin abin da Allah ya yi mini, Ya kafa tarko don ya kama ni.

Ayuba 27:2

“Na rantse da Allah Mai Iko Dukka, Wanda ya ƙwace mini halaliyata, Wanda ya ɓata mini rai.

Ayuba 30:21

Ka zama mugu a gare ni, Da ƙarfin dantsenka ka tsananta mini.

Ayuba 31:15

Ashe, shi wanda ya halicce ni a cikin mahaifa, Ba shi ne ya halicce su ba? Shi wanda ya siffata mu a cikin mahaifa?

Ayuba 33:4

Ruhun Allah ne ya yi ni, Mai Iko Dukka ya hura mini rai.

Zabura 100:3

Kada fa a manta da cewa, Ubangiji shi ne Allah! Shi ne ya yi mu, mu kuwa nasa ne, Mu jama'arsa ne, mu garkensa ne.

Ayuba 15:13

Fushi kake yi da Allah, kana ƙinsa.