Afisawa 1:16 - Littafi Mai Tsarki

¹⁶ ban fāsa gode wa Allah saboda ku ba, duk sa'ad da nake yi muku addu'a,

Sabon Rai Don Kowa 2020

¹⁶ ban fasa yin godiya saboda ku ba, ina tuna da ku cikin addu’o’ina.

Afisawa 1:16 ပူးပေါင်းရင်းမြစ်များ

Kolossiyawa 1:9

Shi ya sa tun a ran da muka ji labarin, ba mu fāsa yi muku addu'a ba, muna roƙo a cika ku da sanin nufin Allah da matuƙar hikima da fahimta na ruhu,

Kolossiyawa 1:3

A kullum muna gode wa Allah, Uban Ubangijinmu Yesu Almasihu, duk sa'ad da muke yi muku addu'a,

2 Tessalonikawa 1:3

Lalle ne a kullum mu gode wa Allah saboda ku, 'yan'uwa, haka kuwa ya kyautu, da yake bangaskiyarku haɓaka take yi ƙwarai da gaske, har ma ƙaunar kowane ɗayanku ga juna ƙaruwa take yi.

1 Tessalonikawa 1:2

A kullum muna gode wa Allah saboda ku duka, koyaushe muna ambatonku a cikin addu'armu,

1 Samaʼila 12:23

Amma ni kaina, Allah ya sawwaƙa in yi wa Ubangiji zunubi ta wurin fasa yin addu'a ga Ubangiji dominku. Zan riƙa koya muku kyawawan abubuwan da suke daidai.

1 Tessalonikawa 5:17

Ku riƙa yin addu'a ba fāsawa.

Ishaya 62:6

Ya Urushalima, na sa matsara a garukanki Ba za su taɓa yin shiru ba, dare da rana. Za su tuna wa Ubangiji da alkawaransa, Ba kuwa za su bari ya manta ba!

1 Samaʼila 7:8

suka ce wa Sama'ila, “Ka yi ta roƙo ga Ubangiji Allahnmu don ya cece mu daga hannun Filistiyawa.”

Farawa 40:14

Amma ka tuna da ni sa'ad da abin ya tabbata gare ka, sai ka yi mini alheri, ka ambace ni a wurin Fir'auna, har da za a fisshe ni daga wannan gida.